Прыём на інкаса наяўнай замежнай валюты ад фізічных і юрыдычных асоб цяпер даступны ў доларах ЗША і еўра.
Банкноты долараў ЗША, еўра і расійскіх рублёў, якія маюць пашкоджанні ў адпаведнасці з пералікам прыкмет плацежнасці банкнот у замежнай валюце, прымаюцца падраздзяленнямі банка на інкаса са спагнаннем узнагароджання ў памеры 5% ад сумы валюты ў эквіваленце беларускіх рублёў (мінімум 25 бел. руб.). Дадаткова кліент пакрывае суму выдаткаў, панесеных банкам у рамках дагаворных адносін з банкамі-контрагентамі.
У выпадку немагчымасці накіравання на даследаванне замежнай валюты ў банк-контрагент па незалежных ад банка прычынах на працягу 6 месяцаў кліенту вяртаюцца прынятая ад яго замежная валюта і камісійнае ўзнагароджанне за прыём на інкаса.
Выплата сродкаў па рэалізаванай замежнай валюце кліента ажыццяўляецца ў валюце, прынятай на інкаса, або ў валюце, атрыманай ад банка-контрагента ў якасці пакрыцця. Замежная валюта ў выглядзе дробавай часткі (менш за мінімальны намінал банкноты) пры пакрыцці сродкаў па рэалізаванай замежнай валюце ў наяўнай форме выплачваецца кліенту ў манетах замежных дзяржаў (пры іх наяўнасці ў касе) або ў беларускіх рублях па ўстаноўленым банкам курсе куплі.