У Беларусбанку адбылася сустрэча з прадстаўнікамі міжнароднай плацежнай сістэмы Mastercard на чале з генеральным дырэктарам кампаніі ў рэгіёне Цэнтральна-Усходняя Еўропа Сулейманам Сазеры. У ходзе сустрэчы госці ўручылі Беларусбанку ўзнагароду за значны прагрэс у выпуску карт, у тым ліку за дасягненне адзнакі ў 400 000 карт з бонуснай праграмай.
За гады сумеснай працы Беларусбанк і Mastercard рэалізавалі шэраг ініцыятыў, накіраваных на развіццё картачнага бізнесу банка. Асаблівая ўвага надавалася пашырэнню digital-сферы, папулярызацыі картачных прадуктаў, якія эмітуюцца на базе плацежнай сістэмы Mastercard і правядзенню сумесных маркетынгавых ініцыятыў.
Адной з самых значных падзей стаў запуск у ліпені 2023 года карты «Шчодрая», якая выклікала шырокі інтарэс як у кліентаў банка, так і партнёраў. Адметная асаблівасць карты — незвычайная бонусная праграма лаяльнасці і ўнікальная канцэпцыя, аформленая ў выглядзе віртуальнага мястэчка «Шчодрая», што зрабіла яе сапраўдным хітом на рынку. Прадукт быў высока ацэнены на прэстыжнай прэміі ў сферы маркетынгу Advertising & Marketing Awards, заваяваўшы 6 узнагарод, уключаючы золата і Гран-пры ў катэгорыі «Найноўшыя тэхналогіі, медыя інавацыі».
Спецыялісты Беларусбанка і кампаніі Mastercard абмеркавалі паспяховую рэалізацыю картачнага прадукту «Шчодрая» і новыя функцыі мабільнага дадатку, што можа дадаткова палепшыць якасць абслугоўвання кліентаў. У ходзе сустрэчы таксама падведзены вынікі двухбаковага супрацоўніцтва, намечаны планы на 2025 год і новыя магчымыя ініцыятывы.
Бакі выказалі ўпэўненасць, што далейшае супрацоўніцтва будзе садзейнічаць укараненню інавацыйных рашэнняў і новых тэхналогій у картачным бізнесе, што дазволіць Беларусбанку працягваць павышаць узровень сэрвісу для сваіх кліентаў і ўмацоўваць пазіцыі на рынку.
Упраўленне камунікацый, маркетынгу і рэкламы