Магілёў з 17 па 18 кастрычніка прымаў удзельнікаў XV Міжнароднага эканамічнага форуму «Млын поспеху». Яго наведалі каля 1500 чалавек.
Сярод удзельнікаў – прадстаўнікі бізнесу дзяржаў-членаў ШАС, афіцыйныя замежныя дэлегацыі, прадстаўнікі буйных кампаній, малога і сярэдняга бізнесу, аб’яднанняў прадпрымальніцтва, абласных і рэспубліканскіх органаў улады, дыпламатычнага корпусу.
Беларусбанк выступіў не толькі партнёрам бізнес-мерапрыемства, але і актыўна прасоўваў свае паслугі для бізнесу ў якасці экспанента.
Праграма мерапрыемства атрымалася насычанай і прадуктыўнай: пленарнае пасяджэнне па імпартазамяшчэнні з удзелам дэлегацый з дзяржаў-членаў ШАС, выстава экспартна-арыентаваных прадпрыемстваў, прыём ад імя старшыні Магілёўскага аблвыканкама, наведванне прадпрыемстваў, В2В-перамовы.
Праведзены секцыі па тэмах: «Ррэгіянальная кааперацыя прамысловасці на прыкладзе рэгіёнаў з дзяржаў – членаў ШАС», «Фінансавая і транспартная лагістыка. Новыя рашэнні», у сферы турызму — « Магілёўшчына запрашае», бізнес-сустрэча «Электронны гандаль – інструмент прасоўвання экспарту», «Фінансавая падтрымка суб’ектаў гаспадарання. Нефінансавыя сэрвісы для бізнесу».