Каб заключыць дагавор добраахвотнага камбінаванага страхавання рызык уладальнікаў рахункаў «Абарона фінансаў і здароўя», ужо не трэба выходзіць з дому: з 15 кастрычніка кліенты Беларусбанка могуць зрабіць гэта ў сістэме Інтэрнэт-банкінг. Раней паслуга была даступна толькі ў аддзяленнях банка пры атрыманні плацежнай карткі або адкрыцці ці пераафармленні базавага рахунку.
Страхоўка «Абарона фінансаў і здароўя» дазволіць:
- набыць упэўненасць і фінансавую абарону пры неправамерным спісанні грашовых сродкаў з рахунку, адкрытага ў любым банку Беларусі;
- пакрыць выдаткі на перавыпуск картак у выпадку іх страты;
- пакрыць выдаткі (у тым ліку судовыя), звязаныя з незаконным афармленнем крэдыту ў любым банку Беларусі;
- пакрыць страты ў выпадку крадзяжу мабільнага ўстройства, дакументаў і ключоў, а таксама звязаныя з крадзяжом або пашкоджаннем тавару, аплачанага з дапамогай карткі;
- атрымаць кампенсацыю ў выпадку прычынення шкоды жыццю або здароўю.
Пры страхавым узносе 40 рублёў у год страхавая сума складзе 15 000 рублёў.
|
Страхавы ўзнос у год, BYN |
40 рублёў |
|---|---|
|
Страхавая сума па дагаворы страхавання, BYN |
15 000 рублёў |
|
У тым ліку: |
|
|
Па рызыцы прычынення шкоды жыццю і здароўю ў выніку няшчаснага выпадку |
5 000 рублёў |
|
Па рызыках страты карты, спісання грашовых сродкаў з рахунку, крадзяжу наяўных грошай, крадзяжу ключоў/ дакументаў / мабільнага ўстройства, незаконныя афармленні крэдыту |
10 000 рублёў |
|
* Ліміт адказнасці (максімальна магчымы памер выплат) па рызыцы самастойнага пераводу грашовых сродкаў у выніку махлярскіх дзеянняў (п. 3. 4. 7 Правіл) |
1 000 рублёў |
|
* Ліміт адказнасці (максімальна магчымы памер выплат) па рызыцы крадзяжу мабільнага ўстройства (п.3.4.3 Правіл) |
1 000 рублёў |
Больш падрабязна даведацца аб умовах страхоўкі «Абарона фінансаў і здароўя» і яе анлайн-афармленні можна тут або па тэлефоне Кантакт-цэнтра 147.
Упраўленне камунікацый, маркетынгу і рэкламы