З 1 кастрычніка міжнародная плацежная сістэма Visa пачынае працаваць з новым правайдарам паслуг доступу ў бізнес-залы аэрапортаў свету — сістэмай Dragon Pass. Каб працягваць карыстацца прывілеямі ў лаунджах паветраных гаваней, трымальнікам прэміяльных карт Visa Беларусбанка —Visa Platinum, Visa Signature, Visa Signature Business, Visa Infinite — неабходна ўстанавіць мабільны дадатак Visa Airport Companion і зарэгістраваць у ім свае карты.
Дадатак Visa Airport Companion ужо даступны для скачвання ў App Store або Google Play. Ён мае шырокі спектр пераваг: дае магчымасць рэгістрацыі ўсіх наяўных прэміяльных карт, у рэжыме рэальнага часу адлюстроўвае колькасць выкарыстаных і застаўшыхся бясплатных праходаў у бізнес-залы і лаундж-зоны па кожнай з іх, а таксама змяшчае інфармацыю аб усіх даступных лакацыях ў зручным фармаце.
З 1 кастрычніка прадастаўленне доступу ў залы будзе ажыццяўляцца толькі з выкарыстаннем QR-кода, згенерыраванага ў мабільным дадатку Visa Airport Companion, а таксама праз чат-бот Visa Concierge. Звяртаем увагу, што з моманту пачатку працы сістэмы Dragon Pass членства Priority Pass або LoungeKey больш не будуць сапраўднымі. Колькасць бясплатных наведванняў і пералік бізнес-залаў застанецца без змяненняў.
З больш падрабязнай інфармацыяй па абноўленай праграме наведвання бізнес-залаў аэрапортаў свету для ўладальнікаў прэміяльных карт Visa Беларусбанка можна азнаёміцца тут.
Упраўленне камунікацый, маркетынгу і рэкламы