Новы офіс Беларусбанка ў «Мінск Свет»: зручнасць і якасць абслугоўвання для маладзёжнага раёна сталіцы

Беларусбанк імкнецца быць бліжэй да сваіх кліентаў і задавальняць узнікаючыя патрэбы жыхароў аднаго з самых маладых раёнаў сталіцы — жылога комплексу «Мінск Свет». Таму сёння банк адкрыў новае аддзяленне № 527/463 па вуліцы І.Лучанка, 1.

Рост колькасці жыхароў, актыўнае развіццё мікрараёна «Мінск Свет» і неабходнасць прадастаўлення якасных банкаўскіх паслуг сталі ключавымі фактарамі для адкрыцця новага аддзялення.

— У год якасці мы імкнемся быць яшчэ бліжэй да нашых кліентаў, асабліва ў такім яркім і канцэптуальным мікрараёне, як «Мінск Свет». Сёння ў мікрараёне з філасофіяй «горада ў горадзе» з’явілася аддзяленне самага народнага банка, які аказвае найшырэйшы спектр паслуг. Вядома, Беларусбанк стварае ўмовы для абслугоўвання кліентаў дыстанцыйна, але ўсё роўна застаюцца пытанні і паслугі, якія лепш вырашаць разам са спецыялістамі банка, — адзначыла намеснік старшыні праўлення Беларусбанка Святлана Кажэкіна падчас адкрыцця і запэўніла, што ў новым аддзяленні будуць рады кожнаму кліенту.

Адкрыццё новага аддзялення найбуйнейшага банка краіны — гэта значная падзея для любога раёна сталіцы. Намеснік кіраўніка адміністрацыі Кастрычніцкага раёна горада Мінска Кірыл Грышын, які прысутнічаў на цырымоніі, падкрэсліў важнасць гэтай падзеі:

— Жылы комплекс «Мінск Свет» – гэта частка Кастрычніцкага раёна, якая дынамічна развіваецца. Да сённяшняга дня тут не было аддзялення Беларусбанка. Я рады, што цяпер жыхары змогуць скарыстацца сучасным офісам з шырокім спектрам банкаўскіх прадуктаў і паслуг. Такіх аддзяленняў у мікрараёне павінна быць значна больш. Упэўнены, яно будзе запатрабавана, асабліва з улікам актыўнага будаўніцтва і развіцця мікрараёна.

Пасля ўрачыстай цырымоніі адкрыцця Святлана Кажэкіна ўручыла сімвалічны ключ ад аддзялення яго калектыву і падкрэсліла сімвалізм гэтага моманту:

— Гэта аддзяленне размяшчаецца на тэрыторыі старога аэрапорта «Мінск». Спадзяюся, што атмасфера гэтага месца стане залогам паспяховага старту для нашага новага офіса.

Адкрыццём гэтага аддзялення Беларусбанк працягвае сваю стратэгію па пашырэнні сеткі і паляпшэнні якасці абслугоўвання кліентаў, асабліва ў жылым комплексе «Мінск Свет», які актыўна развіваецца і дзе да 2027 года мяркуецца пражыванне каля 150 тысяч чалавек.

Банк таксама плануе прадоўжыць працу па лічбавізацыі і аптымізацыі бізнес-працэсаў, павышаючы ўзровень і якасць прадастаўляемых паслуг. Ужо сёння кліенты маюць кругласутачны доступ да разнастайных прадуктаў і паслуг, а дзякуючы развіццю дыстанцыйных каналаў абслугоўвання, атрымліваць іх можна з любой кропкі свету ў любы час.