Менш за год прайшло, як банк у рамках ESG-актыўнасцей пачаў рэалізоўваць чарговы сацыяльны праект «У школу з Беларусбанкам». І вось напярэдадні Дня ведаў яшчэ шэсць сельскіх школ атрымалі аўтобусы для камфортнага і бяспечнага падвозу дзяцей да школ.
Урачыстая цырымонія перадачы ключоў адбылася ў Галаўным офісе банка. Удзел у ёй прынялі старшыня праўлення Беларусбанка, член Савета Рэспублікі Нацыянальнага сходу Віктар Ананіч; намеснік Міністра адукацыі Сяргей Руды; намеснік генеральнага дырэктара ААТ "МАЗ" – кіруючая кампанія холдынгу "БелаўтаМАЗ" – дырэктар па арганізацыі эфектыўнага кіравання і ўзаемадзеяння даччыных кампаній холдынгу "БелаўтаМАЗ" Генадзій Туміловіч; дырэктар ААТ "Брэстмаш" Аляксей Бражук, а таксама дырэктары ўстаноў адукацыі, у чыё распараджэнне паступяць новыя аўтатранспартныя сродкі.
Ужо 2-га верасня на ўрачыстыя лінейкі гэтыя аўтобусы падвязуць дзяцей з Зарэчкаўскай СШ (Брэсцкая вобл., Драгічынскі р-н); СШ ім. М.В. Акцябрскай г.п. Лёзна (Віцебская вобл.); Парыцкай СШ (Гомельская вобл., Светлагорскі р-н); Астрынскай СШ ім. А.С. Пашкевіч (Цёткі) (Гродзенская вобл., Шчучынскі р-н); Багданаўскай СШ (Мінская вобл., Валожынскі р-н); Сласцёнаўскай СШ (Магілёўская вобл., Чавускі р-н).
Важна, што некаторыя з гэтых школ ужо супрацоўнічаюць з Беларусбанкам у рамках праекта «Карта навучэнца». Новы транспарт сёння ж адправіцца са сталіцы ў пункты прызначэння.
— Мы сабраліся напярэдадні Дня ведаў, каб перадаць чарговыя шэсць цудоўных аўтобусаў у рамках дабрачыннага праекта «У школу з Беларусбанкам», — адзначыў, вітаючы гасцей, старшыня праўлення банка Віктар Ананіч. — На рэалізацыю гэтай ініцыятывы нас натхніў Кіраўнік дзяржавы, паставіўшы задачу забяспечыць сельскія школы сучаснымі і камфартабельнымі транспартнымі сродкамі для падвозу дзяцей. Першыя шэсць аўтобусаў вытворчасці Мінскага аўтамабільнага завода мы перадалі ў лістападзе мінулага года. І вось менш чым за год дзякуючы зладжанай працы зацікаўленых яшчэ шэсць гатовы адправіцца ў свае пункты прызначэння. Упэўнены, гэтыя аўтобусы стануць выдатным падарункам да пачатку новага навучальнага года не толькі для адміністрацый раёнаў, школ, але і для дзяцей і іх бацькоў. Шчыра дзякую ўсім, хто аказаў садзейнічанне ў рэалізацыі праекта. Для нас важна, каб дзеці з самых аддаленых куткоў краіны дабіраліся да родных школ у цяпле і камфорце, а бацькі былі спакойныя за іх бяспеку.
Новыя аўтобусы выраблены на ААТ «МАЗ». І знешне, і па аснашчэнні яны адпавядаюць усім стандартам такога роду транспарту. Зроблена ўсё для таго, каб кожнае дзіця нават з самага аддаленага кутка Беларусі дабіралася ў школу з камфортам і з задавальненнем атрымлівала там новыя веды.
— Паколькі гэта ўжо другая партыя аўтобусаў, перададзеная намі, мы ўлічылі мінулы вопыт і зрабілі гэтыя транспартныя сродкі яшчэ больш сучаснымі. Тут больш камфортныя сядзенні, мы паставілі дадатковы ацяпліцель, каб дзеткам было камфортна ездзіць у зімовы час. Ёсць тут і рухавік-«мільённік», — падзяліўся намеснік генеральнага дырэктара ААТ «МАЗ» — кіруючая кампанія холдынгу «БЕЛАЎТАМАЗ» — дырэктар па арганізацыі эфектыўнага кіравання і ўзаемадзеяння даччыных кампаній холдынгу «БЕЛАЎТАМАЗ» Генадзій Туміловіч.
— Літаральна два дні таму адбылася знакавая падзея для адукацыі — Рэспубліканскі педагагічны савет з удзелам Кіраўніка дзяржавы, — нагадаў удзельнікам мерапрыемства намеснік міністра адукацыі Сяргей Руды. — У ходзе гэтага мерапрыемства Прэзідэнт ацаніў стан сістэмы адукацыі і паставіў маштабныя задачы на будучыню. Адна з іх — забеспячэнне падвозу дзяцей у сельскай мясцовасці. І мы выконваем яе. Сёння ў цэлым па краіне падвоз дзяцей ажыццяўляюць больш за 1 800 аўтобусаў. Большасць з іх не старэйшыя за 10 гадоў, у тым ліку дзякуючы дапамозе Беларусбанка. Дзякуй яшчэ раз за такое супрацоўніцтва.
Падзяліліся эмоцыямі і дырэктары школ, у чыё распараджэнне паступілі аўтобусы.
— Для нас, кіраўнікоў малакамплектных школ, гэта вельмі знакавая падзея. Не так часта нашы школы атрымліваюць такія выдатныя падарункі. Гэты прыгажун у Год якасці дапаможа забяспечыць якасны і бяспечны падвоз навучэнцаў. Дзякуй вялікі ад нашых вучняў, бацькоў і педагагічных калектываў, — сказаў дырэктар Зарэчкаўскай сярэдняй школы Драгічынскага раёна Брэсцкай вобласці Вадзім Цярлецкі.
— Прыміце словы ўдзячнасці за гэты незаменны і вельмі патрэбны падарунак. У нашай школе вучацца 258 навучэнцаў з 12 населеных пунктаў, 87 з якіх маюць патрэбу ў падвозе. На базе школы ажыццяўляецца прафесійная падрыхтоўка навучэнцаў усяго Светлагорскага раёна. У Год якасці дзякуй Вам за магчымасць дзецям рэалізаваць права на адукацыю ў поўнай меры і бяспечна — не хавала эмоцый дырэктар Парыцкай сярэдняй школы імя Андрэя Міхайлавіча Пінчука Светлагорскага раёна Гомельскай вобласці Вольга Драздова.
Улічваючы высокую сацыяльную значнасць праекта, Беларусбанк плануе рэалізоўваць яго і ў наступным годзе.
Даведка:
На працягу шэрагу гадоў банк рэалізуе наступныя сацыяльныя ініцыятывы:
- «Пераможам разам», падтрымка спорту высокіх дасягненняў;
- «Вектар дабрыні», падтрымка ўстаноў аховы здароўя;
- «Мост у будучыню», падтрымка ўстаноў адукацыі і навукі;
- «Прастора натхнення», падтрымка ўстаноў культуры;
- «Бацькоўскі кут», будаўніцтва/набыццё катэджаў для дзіцячых дамоў сямейнага тыпу, іх упарадкаванне і суправаджэнне. У цяперашні час па ўсёй краіне функцыянуе 17 такіх дамоў;
- «У школу з Беларусбанкам», набыццё для сельскіх школ рэспублікі транспартных сродкаў вытворчасці ААТ «МАЗ» для падвозу дзяцей да ўстановы адукацыі. Ужо 12 школ (па дзве ў кожнай вобласці атрымалі такія аўтобусы).
Упраўленне камунікацый, маркетынгу і рэкламы