Для кліентаў Беларусбанка, якія атрымліваюць зарплату на рахунак ад бюджэтных і дзяржаўных арганізацый сельскай гаспадаркі, даступны новы авердрафт на выгадных умовах.
Працэнтная стаўка – 12,5% (стаўка рэфінансавання НБ + 3 п.п). Авердрафт прадастаўляецца на 2 гады, а пагашаецца штомесячна роўнымі долямі на працягу 12 каляндарных месяцаў, наступных за месяцам прадастаўлення крэдыту/часткі крэдыту.
Максімальная сума ліміту авердрафту – у межах плацежаздольнасці, але не менш за 100 рублёў.
Аформіць заяўку на авердрафт можна ў аддзяленні банка або дыстанцыйна: на сайце банка, у Інтэрнэт-банкінгу або дадатку M-Belarusbank. Пры падачы заяўкі дыстанцыйна крэдытны дагавор заключаецца ў электронным выглядзе без наведвання банка.
Больш падрабязна пра ўмовы авердрафту тут або па тэлефоне кантакт-цэнтра 147.