У Мінску прайшла цырымонія ўручэння ўзнагарод ХV Нацыянальнага тэлевізійнага конкурсу "Тэлевяршыня". Адзначыць выдатныя дасягненні ў тэлевізійнай сферы краіны за 2022-2023 гады сабраліся вядучыя прадстаўнікі тэлевізійных СМІ Беларусі, журналісты і творчыя работнікі. На сцэну за заслужанымі ўзнагародамі ўзняліся самыя яркія прадстаўнікі сучаснай беларускай медыясферы.
Заснавальнікамі конкурсу выступілі Міністэрства інфармацыі, Нацыянальная дзяржаўная тэлерадыёкампанія Рэспублікі Беларусь, ЗАТ "Другі нацыянальны тэлеканал" і ЗАТ "Сталічнае тэлебачанне".
Намеснік старшыні праўлення Беларусбанка Святлана Кажэкіна прыняла ўдзел у цырымоніі ўзнагароджання і ўручыла ўзнагароду за перамогу ў намінацыі «Вядучы рэгіянальнага тэлебачання» таленавітаму вядучаму тэлерадыёкампаніі «Віцебск» Артуру Смалякову. Артур — твар і душа такіх праграм, як «Прамая лінія», «Віцебскі час», «Вячэрні Віцебск», «7 дзён».
Беларусбанк, таксама, як і рэгіянальныя СМІ, прадстаўлены ва ўсіх кутках Рэспублікі Беларусь, што падкрэслівае яго імкненне да забеспячэння фінансавай устойлівасці і развіцця па ўсёй краіне. Святлана Кажэкіна, уручаючы ўзнагароду пераможцу тэлевізійнага конкурсу "Тэлевяршыня", падкрэсліла важнасць падтрымкі творчых і прафесійных ініцыятыў не толькі ў сталіцы, але і ў кожным кутку Беларусі, дзе прысутнічае Беларусбанк.
— Мы беражліва захоўваем і цэнім вашу працавітасць, прафесіяналізм і адданасць сваёй справе, — адзначыла Святлана Кажэкіна, віншуючы пераможцаў з заслужанымі ўзнагародамі. — Вы па-майстэрску ўвасабляеце сваё захапленне журналістыкай і тэлебачаннем у кожным выпуску, у кожным інтэрв’ю, у кожнай перадачы. Ваша праца – гэта мастацтва стварэння сувязі з аўдыторыяй, перадача важных падзей і навін, а таксама падтрымка дыялогу і абмену думкамі з гледачамі.
Па словах Святланы Кажэкінай, вядучыя рэгіянальнага тэлебачання з’яўляюцца тварамі рэгіёнаў, заўсёды побач і заўсёды ў курсе мясцовых праблем. Яны прысутнічаюць ва ўсіх кутках краіны, і ў гэтых жа кутках размешчаны аддзяленні Беларусбанка, якія таксама заўсёды блізкія і даступныя для нашых кліентаў.
З мэтай інфармавання жыхароў краіны аб падзеях, прадуктах і сэрвісах Беларусбанк актыўна супрацоўнічае з рэспубліканскімі і рэгіянальнымі тэлеканаламі, ганарыцца магчымасцю падтрымліваць таленавітых прафесіяналаў, і рады бачыць поспехі і дасягненні ўсіх журналістаў нашай цудоўнай краіны.
Упраўленне камунікацый, маркетынгу і рэкламы