Штогод у рамках рэспубліканскай дабрачыннай акцыі «Нашы дзеці» прадстаўнікі банка наведваюць дзіцячыя дамы сямейнага тыпу, катэджы для якіх пабудаваў банк у рамках дабрачыннага праекта «Бацькоўскі кут».
У гасцях у Казіміра і Раісы Макей з пасёлка Чысць Маладзечанскага раёна пабываў старшыня праўлення банка Віктар Ананіч. Традыцыйна разам з кіраўніком павіншаваць дзяцей і бацькоў прыехалі лідары грамадскіх арганізацый банка.
Госці падарылі сертыфікаты ў папулярныя гандлёвыя сеткі, каб сям’я як след падрыхтавалася да надыходзячага новага года. Дзецям, а іх у мужа і жонкі Маккей сёння 11 ва ўзросце ад 10 да 15 гадоў, прывезлі салодкія падарункі і пледы з сімвалам надыходзячага года.
Завяршылася цёплая сустрэча святочным чаяваннем.
У найбліжэйшыя дні прадстаўнікі Беларусбанка пабываюць у гасцях і павіншуюць з надыходзячымі святамі ўсе сем’і, якія жывуць у дзіцячых дамах сямейнага тыпу, катэджы для якіх пабудаваў банк.
Аддзел камунікацый і рэкламы