У сталіцы ўзнагародзілі пераможцаў нацыянальнага конкурсу «Прадпрымальнік года» па выніках дзейнасці за 2022 год. Партнёрам мерапрыемства традыцыйна выступіў Беларусбанк, для якога падтрымка малога і сярэдняга бізнесу — адзін са стратэгічных напрамкаў дзейнасці.
У гэтым годзе на ўдзел у конкурсе было пададзена 4400 заявак. Але лепшымі з лепшых сталі 35 лаўрэатаў у пяці намінацыях: «Паспяховы старт», «Стабільны поспех», «Эфектыўны бізнес у сферы вытворчасці», «Эфектыўны бізнес у сферы паслуг» і «Эфектыўны індывідуальны бізнес». Большая частка пераможцаў конкурсу — кліенты Беларусбанка.
Узнагароды пераможцам уручыў дырэктар дэпартамента карпаратыўнага бізнесу банка Сяргей Пась. Ён павіншаваў удзельнікаў з перамогай і звярнуў увагу на тое, што банк заўсёды аказвае падтрымку бізнесу на любой стадыі развіцця:
— У нас ёсць, што прапанаваць любому сегменту, у тым ліку жаночаму бізнесу. Канкурэнтная перавага Беларусбанка ў тым, што мы можам аказаць усебаковую падтрымку ў рэалізацыі праектаў і самых смелых бізнес-ідэй у любой кропцы краіны. І для гэтага ў нас ёсць усё неабходнае: развітая інфраструктура, шырокая прадуктовая лінейка, з якой бізнес любога маштабу можа падабраць зручнае рашэнне, гібкія ўмовы крэдытавання, магчымасць аддаленага абслугоўвання з дапамогай сучасных сэрвісаў. І самае галоўнае, супрацоўнічаючы з Беларусбанкам і даччынымі прадпрыемствамі холдынгу, кампаніі атрымліваюць прафесійны і комплексны падыход у вырашэнні пытанняў.
Беларусбанк займае лідзіруючыя пазіцыі ў рабоце з малым і сярэднім прадпрымальніцтвам. Сёння кліенцкая база найбуйнейшага банка краіны налічвае больш за 87 тысяч суб’ектаў гаспадарання (з іх 75% – малы і сярэдні бізнес), якія карыстаюцца шырокім спектрам банкаўскіх прадуктаў і паслуг. Банк надае вялікую ўвагу падтрымцы ініцыятыў беларускага бізнесу. Дзякуючы гэтаму многія прадпрымальнікі рэалізавалі свае мары, стварыўшы пры гэтым тысячы новых працоўных месцаў у эканоміцы.