З надыходам новага навучальнага года больш за 350 школ заключылі партнёрскія адносіны з Беларусбанкам у рамках праекта «Карта навучэнца». Унікальны прадукт дазваляе сумяшчаць функцыі плацежнай карткі і дакумента, які пацвярджае статус навучэнца ўстановы агульнай сярэдняй адукацыі.
Першым горадам, дзе 1 верасня запрацавала Карта навучэнца, стаў Барысаў. Ініцыятыву падхапілі ўстановы адукацыі ўсіх рэгіёнаў краіны.
Першымі школамі ў сваіх абласцях сталі:
- Сярэдняя школа № 3 у Іванава (Брэсцкая вобласць);
- Гімназія № 1 імя Ж.І. Алфёрава ў Віцебску;
- Глушкавіцкая сярэдняя школа Лельчыцкага раёна (Гомельская вобласць);
- Гімназія № 1 у Астраўцы (Гродзенская вобласць);
- Магілёўская гарадская гімназія № 1.
У цяперашні час Карта навучэнца дзейнічае ўжо ў 176 населеных пунктах Беларусі.
— Беларусбанк займае актыўную пазіцыю у фінансавай падрыхтоўцы падрастаючага пакалення і зацікаўлены ў развіцці адукацыйнага асяроддзя. Сёння Карта навучэнца Беларусбанка – гэта ўнікальны прадукт для нашых юных кліентаў і ўстаноў адукацыі за кошт магчымасці яе выкарыстання як плацежнай карткі, так і ў якасці дакумента, які пацвярджае статус навучэнца, — адзначае намеснік старшыні праўлення банка Святлана Кажэкіна.
Карта навучэнца спрыяе выхаванню фінансавай граматнасці і развіццю самастойнасці школьнікаў. А пры разліку за пакупкі ў арганізацыях-партнёрах банка юны трымальнік карткі атрымлівае яшчэ і манібэк да 3%.
Акрамя гэтага, картку можна зарэгістраваць у фінансавым дадатку MobiTeen. Гэта дазволіць дзецям бачыць астатак на карце і пры неабходнасці адпраўляць запыты бацькам на яе папаўненне. Пры гэтым бацькі могуць кантраляваць расходы дзяцей, пераводзіць ім грошы і бачыць месцазнаходжанне дзіцяці на карце.
Яшчэ адной перавагай карткі з’яўляецца яе кошт – школьнікі атрымліваюць Карту навучэнца бясплатна, паколькі выдаткі па яе выпуску Беларусбанк бярэ на сябе.
Магчымасці карыстання картай ўжо адчулі яе карыстальнікі. Так, вучань сярэдняй школы № 1 у Горках Павел адзначыў, што Карта навучэнца — яго першая банкаўская картка. Карыстаючыся ёй, ён вучыцца граматна распараджацца грашамі і развівае сваю фінансавую граматнасць.
У сваю чаргу, навучальным установам укараненне Карты навучэнца дазваляе забяспечыць бяспечнае і прадуктыўнае адукацыйнае асяроддзе дзякуючы магчымасці прымянення карткі ў якасці пропуску ва ўстанову адукацыі, чытацкага білета ў бібліятэцы і ключа аўтарызацыі доступу ў камп’ютарным класе.
Сёння праект «Карта навучэнца» маштабіруецца па ўсёй Беларусі і прыцягвае ўсё новыя школы і гімназіі.
Аддзел камунікацый і рэкламы