З 10.11.2023 Беларусбанк уносіць змяненні ў дагаворы бягучага (разліковага) банкаўскага рахунку ў беларускіх рублях і Правілы правядзення плацяжоў з выкарыстаннем сістэмы імгненных плацяжоў.
Згодна са змяненнямі, ва ўладальнікаў бягучых (разліковых) банкаўскіх рахункаў з’явіцца магчымасць ажыццяўляць трансгранічныя імгненныя плацяжы з выкарыстаннем сістэмы імгненных плацяжоў па нумары мабільнага тэлефона на бягучыя разліковыя (банкаўскія) рахункі, адкрытыя ў банках-удзельніках сістэмы імгненных плацяжоў Расійскай Федэрацыі.
Акрамя таго, змяненнямі прадугледжана інфармаванне кліентаў аб змене памераў узнагароджанняў за аказваемыя банкам паслугі па рахунку не пазней, чым за 30 каляндарных дзён да ўступлення ў сілу адпаведных змяненняў.
Азнаёміцца са змяненнямі, якія ўносяцца з 10.11.2023, можна па спасылках:
- Дагавор бягучага (разліковага) банкаўскага рахунку ў беларускіх рублях;
- Публічная аферта (прапанова) на ўнясенне змяненняў у дагаворы бягучага (разліковага) банкаўскага рахунку ў беларускіх рублях;
- Правілы правядзення ў ААТ “ААБ Беларусбанк” імгненных плацяжоў фізічных асоб з выкарыстаннем сістэмы імгненных плацяжоў па нумары мабільнага тэлефона (ідэнтыфікатара);
- Інфармацыя аб памеры ўзнагароджання за выкарыстанне сістэмы імгненных плацяжоў.