19 і 20 жніўня ў Цэнтральным Батанічным парку прайшоў сямейны фестываль «Букідс. Прафесіі». Беларусбанк на мерапрыемстве прадставіў сваю лакацыю, на якой дзеці змаглі паспрабаваць сябе ў ролі банкаўскіх работнікаў (касіраў і інкасатараў).
Фестываль праводзіцца для таго, каб пазнаёміць школьнікаў і малышоў з рознымі прафесіямі і даць магчымасць паспрабаваць сябе ў ролі яе прадстаўніка. «Букідс» стаў ужо традыцыйным мерапрыемствам. Сёлета на фестывалі можна было паспрабаваць сябе ў больш чым 100 прафесіях.
Беларусбанк сумесна з плацежнай сістэмай Белкарт у фармаце гульні паказалі школьнікам, што значыць быць банкаўскім работнікам. Праз актыўнасці быў прадэманстраваны ўвесь шлях працы плацежнай карткі, пачынаючы ад банкаўскага працэсінгавага цэнтра і заканчваючы яе выдачай і здзяйсненнем па ёй безнаяўных аперацый.
На лакацыі таксама працавалі спецыялісты банка. Самым актыўным школьнікам, якія адказалі на пытанні на банкаўскую тэму, яны ўручылі сувеніры, а дарослых пракансультавалі па прадуктах Беларусбанка.
На пляцоўцы таксама можна было даведацца падрабязна аб дзіцячым прадукце Клуба «Зебра» і ўстанавіць мабільны дзіцячы дадатак MobiTeen або дадатак для бескантактавай аплаты БЕЛКАРТ PAY. Дарэчы, за іх устаноўку на мабільны тэлефон можна было атрымаць салодкі бонус.
Аддзел камунікацый і рэкламы
