Беларусбанк папоўніў аўтапарк Бабруйскай гарадской бальніцы хуткай медыцынскай дапамогі імя У.В. Марзона новым транспартным сродкам. На ўрачыстым мерапрыемстве да 636-годдзя Бабруйска старшыня праўлення банка Віктар Ананіч уручыў падарачны сертыфікат і ключы ад Geely для БХМП кіраўніку Бабруйскага гарвыканкама Ігару Кісялю.
Перадача машыны адбылася ў рамках дабрачыннага праекта «Вектар дабрыні», які Беларусбанк ужо шмат гадоў рэалізуе для аказання падтрымкі ўстановам аховы здароўя і сацыяльнай абароны. Раней аўтамабілі, у тым ліку аснашчаныя высокатэхналагічным абсталяваннем для рэанімацыі, ад банка атрымлівалі медустановы Гродна, Магілёва, Брэста, Мінскай вобласці.
На свяце да Дня горада Бабруйска Віктар Ананіч выканаў яшчэ адну ганаровую і прыемную місію: уручыў граматы і падзякі найлепшым работнікам прамысловасці, аховы здароўя і адукацыі рэгіёна.
Аддзел камунікацый і рэкламы