Выстаўка кітайскіх тавараў і паслуг – 2023 адкрылася ў індустрыяльным парку «Вялікі камень». У гандлёва-выставачным цэнтры China Merchants на плошчы 10 тысяч квадратных метраў больш за сотню перадавых беларускіх і кітайскіх кампаній прадставілі сваю прадукцыю. У іх ліку і Беларусбанк.
Экспазіцыя найбуйнейшага банка краіны традыцыйна прыцягвала павышаную ўвагу. Прадстаўнікі банка і даччыных кампаній кансультавалі наведвальнікаў аб умовах дэпазіту ў кітайскіх юанях і іншых паслугах.
Адзін са стратэгічных напрамкаў для банка з апорай на пастаяннае Прадстаўніцтва, якое больш за 15 гадоў працуе на тэрыторыі Кітая, з’яўляецца кітайскі вектар. І пакуль Беларусбанк застаецца адзінай фінансавай установай Беларусі з пастаянна працуючым офісам у Кітаі.
У ліпені 2018 года для прадастаўлення комплекса банкаўскіх паслуг юрыдычным і фізічным асобам у індустрыяльным парку «Вялікі камень» Беларусбанк першым адкрыў сучаснае банкаўскае аддзяленне. Тут устаноўлены ўстройствы самаабслугоўвання: інфакіёск і банкамат, у меню якога прадугледжаны замежныя мовы, у тым ліку кітайская.
Акрамя таго, для зручнасці сваіх кліентаў Беларусбанк укараніў прадукты ў кітайскіх юанях. З мінулага года суб’екты прадпрымальніцтва могуць адкрыць у Беларусбанку дэпазіт або аформіць крэдыт у юанях.
А ў маі гэтага года банк таксама запусціў паслугу па праверцы контрагентаў-рэзідэнтаў КНР, зарэгістраваных на тэрыторыі Кантынентальнага Кітая.
Аддзел камунікацый і рэкламы