Прэзентацыя інтэрактыўнага праекта «Партызаны Беларусі» адбылася ў Міністэрстве аховы здароўя. Супрацоўнікі ведамства да 5 красавіка змогуць пазнаёміцца з унікальнымі дакументамі часоў Вялікай Айчыннай вайны. Гэта фатаграфіі падпольшчыкаў, іх баявыя характарыстыкі, копіі ўзнагародных лістоў. У распараджэнні наведвальнікаў таксама інтэрактыўны стэнд. Там прадстаўлены імёны больш чым двухсот тысяч партызан, сярод якіх можна адшукаць інфармацыю і пра сваіх продкаў.
З пачатку запуску маштабнага выставачнага праекта «Партызаны Беларусі» яго афіцыйным партнёрам з’яўляецца Беларусбанк.
«Нам прыемна адзначыць, што ўжо на працягу трох гадоў першы ўсебеларускі мультымедыйны праект выклікаў у грамадстве такі высокі інтарэс і павышаную ўвагу нашых грамадзян рознага ўзросту, – адзначыў на ўрачыстым адкрыцці выстаўкі намеснік старшыні праўлення Дзмітрый Краскоўскі. - Праект дэманстраваўся па ўсёй краіне ў дзяржаўных арганізацыях, на міжнародных мерапрыемствах, ва ўстановах адукацыі, што асабліва важна, бо гэта дазволіла звярнуць увагу падрастаючага пакалення да гістарычных фактаў аб партызанскім і падпольным руху, магчыма ім удалося знайсці сваіх гераічных родных і землякоў. І прыемна заўважыць, што ў гэтым годзе прынята рашэнне аб працягу праекта і яго прэзентацыі ва ўстановах аховы здароўя і на прамысловых прадпрыемствах».
«У блокі экспазіцыі partizany.by вынеслі тэматычныя гісторыі аказання медыцынскай дапамогі ва ўмовах партызанскага руху. – падкрэсліў міністр аховы здароўя Дзмітрый Піневіч. - Для нас таксама гэта важна. Гэта і гісторыя, як здабываліся на акупіраванай тэрыторыі медыкаменты, як фарміравалася ўвогуле ўся лагістыка аказання медыцынскай дапамогі».
Сумесны праект выдавецкага дома «Беларусь сёння» і Нацыянальнага архіва адзначаны спецпрэміяй Прэзідэнта.
Інтэрактыўная выстаўка ўжо пабывала ў многіх кутках нашай краіны. Усяго было арганізавана амаль 100 экспазіцый. Адметна, што летапіс партызанскай гісторыі штодзень папаўняецца новымі імёнамі і архіўнымі дакументамі.
Як сацыяльна адказны брэнд ужо са стогадовай гісторыяй Беларусбанк ганарыцца падтрымкай такіх значных грамадскіх ініцыятыў і выказвае словы ўдзячнасці калектывам выдавецкага дома «Беларусь сёння» і Нацыянальнага архіва за праведзеную працу, вынікам якой стаў гэты ўнікальны і важны для краіны праект «Партызаны Беларусі».
Аддзел камунікацый і рэкламы