Урачыстая цырымонія закрыцця футбольнага сезона 2022 года адбылася напярэдадні ў комплексе «Astoria Riverside». У мерапрыемстве прынялі ўдзел прадстаўнікі клубаў усіх беларускіх ліг, члены Выканаўчага камітэта Асацыяцыі «Беларуская федэрацыя футбола», спонсары і партнёры, а таксама ветэраны беларускага футбола.
На працягу многіх гадоў каманда Беларусбанка выступае за развіццё айчыннага футбола і традыцыйна актыўна спрыяе значнаму ўмацаванню цікавасці да гульні нумар адзін у нашай краіне. Банк, як Генеральны партнёр, падтрымлівае прыгожы футбол з удзелам усіх каманд першынства, які падабаецца балельшчыкам.
У рамках урачыстага закрыцця беларускага футбольнага сезона «Зорны мяч – 2022» найбуйнейшы банк краіны атрымаў ад кіраўніцтва АБФФ падзяку за ўклад у развіццё нацыянальнага чэмпіянату. Узнагароду кіраўнік федэрацыі Уладзімір Базанаў уручыў першаму намесніку старшыні праўлення Беларусбанка Аляксандру Паліўка.
Сярод трэнераў клубаў вышэйшай лігі найлепшым названы Арцём Радзькоў, пад кіраўніцтвам якога "Іслач" з Мінскага раёна заняла пятае месца. Узнагароду пераможцу ўручыў намеснік старшыні праўлення Беларусбанка Дзмітрый Краскоўскі.
Найлепшым іграком 32-га чэмпіянату Беларусі стаў узбекскі форвард сталічнага "Энергетыка-БДУ " Бабір Абдзіхалікаў. Забіўшы 26 мячоў і аддаўшы 4 галявыя перадачы, ён выйграў бамбардзірскую гонку і ўнёс адчувальны ўклад у поспех сваёй каманды, якая ўпершыню ў гісторыі стала сярэбраным прызёрам беларускага першынства. Адну з самых значных і прэстыжных узнагарод футбалісту ўручыў першы намеснік старшыні праўлення Беларусбанка Аляксандр Паліўка.
Адзначым, што статус Генеральнага партнёра Нацыянальнага чэмпіянату Рэспублікі Беларусь па футболе сярод каманд вышэйшай лігі Беларусбанк захоўвае на працягу 10 гадоў.