Беларусбанк папярэджвае аб магчымым новым спосабе махлярства, з якім могуць сутыкнуцца карыстальнікі дадатку М-банкінг.
Працуе схема наступным чынам. Зламыснікі ад імя банка накіроўваюць у мэсэнджарах Viber або Telegram фішынгавае паведамленне з інфармацыяй пра быццам бы магчымую блакіроўку мабільнага дадатку банка афіцыйнымі магазінамі дадаткаў.
Далей у паведамленні можа ўтрымлівацца прапанова ўстанавіць (у мэтах захавання працаздольнасці мабільнага дадатку) на ваш смартфон новую версію дадатку з прымацаванага файла, які з’яўляецца шкодным.
Звяртаем увагу! Банк не ажыццяўляе рассылку сваіх мабільных дадаткаў у Viber або Telegram. Просім вас ажыццяўляць устаноўку М-банкінгу толькі з афіцыйных крыніц — магазінаў дадаткаў Play Market і App Store.