Пераводы грошай на карткі банкаў-нерэзідэнтаў для кліентаў «Беларусбанка» сталі яшчэ больш бяспечнымі: пры ажыццяўленні падобных аперацый праз Інтэрнэт-банкінг і інфакіёск прадугледжаны абавязковы дадатковы кантроль.
Цяпер, каб пацвердзіць ажыццяўленне пераводу, неабходна ўвесці чатырохзначны SMS-код, які накіроўваецца кліенту на нумар тэлефона, пазначаны ў базе даных «Беларусбанка». Новая тэхналогія дазволіць павысіць узровень абароненасці трымальнікаў карт ад махлярскіх дзеянняў.
Паважаныя кліенты! Будзьце пільныя. Памятайце, што трэція асобы ні ў якім разе не павінны ведаць рэквізіты вашай банкаўскай плацежнай карты. Нельга паведамляць коды доступу, сеансавыя ключы і іншую інфармацыю з SMS-паведамленняў, дасылаемых банкам пры ажыццяўленні плацяжоў, пераводаў і іншых аперацый.
Жадаеце даведвацца пра нашы навіны першымі? Падпісвайцеся на наш тэлеграм-канал.