З 26 студзеня аплаціць праезд смартфонам цяпер можна ў аўтобусах Гродна. «Беларусбанк» пашырыў сферу дзеяння сэрвісу TIX. Праект рэалізаваны сумесна з кампаніяй АССІСТ – партнёрам банка па аказанні паслуг інтэрнэт-плацяжоў і кампаніяй «Сістэмныя тэхналогіі», якая з’яўляецца распрацоўшчыкам мабільнага дадатку TIX.
Мабільны дадатак TIX дазваляе пасажырам – трымальнікам картак плацежных сістэм VISA, Masterсard, БЕЛКАРТ набыць электронны білет і аплаціць праезд зручным спосабам.
Пры набліжэнні транспарту ў мабільным дадатку аўтаматычна адлюстроўваецца маршрут з прапановай аплаціць паездку. Набыццё электроннага праязнога білета і аплата праезду могуць быць таксама здзейснены ў салоне транспартнага сродку шляхам націскання кнопкі «Аплаціць» у інтэрфейсе дадатку насупраць адпаведнага нумару маршруту.
Сэрвіс прадстаўлены на рускай, беларускай, англійскай і польскай мовах, што можа стаць дадатковай перавагай для замежных грамадзян, якія наведваюць краіну ў якасці турыстаў.
Для выкарыстання сэрвісу неабходна спампаваць мабільны дадатак TIX у GooglePlay ці AppStore і прывязаць да яго банкаўскую карту плацежных сістэм VISA, Masterсard, БЕЛКАРТ.
Жадаеце даведвацца пра нашы навіны першымі? Падпісвайцеся на наш тэлеграм-канал.