Святочная цырымонія закрыцця футбольнага сезона 2019 года адбылася 26 снежня ў спартыўна-забаўляльным комплексе «Falcon Club». У мерапрыемстве прымалі ўдзел прадстаўнікі клубаў усіх беларускіх ліг, члены Выканаўчага камітэта Асацыяцыі «Беларуская федэрацыя футбола», спонсары і партнёры, а таксама ветэраны беларускага футбола.
Падчас урачыстай цырымоніі названы пераможцы сезона па шэрагу камандных і індывідуальных намінацый у вялікім футболе, а таксама самыя моцныя гульцы з пляжнага футбола, міні-футбола, жаночай лігі.
У рамках святочнага закрыцця беларускага футбольнага сезона «Зорны мяч - 2019» «Беларусбанк» атрымаў падзяку за ўклад у развіццё нацыянальнага чэмпіянату. Падзяку банку ўручыў старшыня АБФФ Уладзімір Базанаў.
Па выніках футбольнага сезона варатар ФК «Дынама-Брэст» Аляксандр Гутар стаў уладальнікам тытула лепшага варатара. Статуэтку галкіперу ўручыў першы намеснік старшыні праўлення «Беларусбанка» Аляксандр Паліўка. Раней, дарэчы, ён ужо атрымліваў такі прыз у 2011 годзе, яшчэ выступаючы за БАТЭ.
Наймацнейшым паўабаронцам чэмпіянату быў прызнаны Ігар Стасевіч з барысаўскага БАТЭ, які запісаў у актыў 10 галоў і 12 перадач за год. Статуэткай Ігара Стасевіча ўзнагародзіў намеснік старшыні праўлення «Беларусбанка» Сяргей Мельнік.
Лепшым нападаючым футбольная грамадскасць краіны прызнала Іллю Шкурына з РЦАР-БДУ - на ліку вундэркінда 19 галоў і 7 выніковых перадач. Футбаліст сталічнай каманды таксама стаў уладальнікам тытула «Лепшы бамбардзір». Заслужаныя статуэткі пераможцу ўручыў намеснік старшыні праўлення банка Аляксандр Ягораў.
І, нарэшце, лепшым футбалістам у рамках чэмпіянату краіны (вызначаецца з 2002 года) быў названы Ігар Стасевіч - паўабаронца другі год запар і пяты раз у кар'еры ганараваўся прызнання. Кубак лепшаму футбалісту ўручыў член Савета Рэспублікі Нацыянальнага сходу, старшыня праўлення банка Віктар Ананіч. Гулец ФК «БАТЭ» таксама стаў лепшым футбалістам краіны.
Адзначым, «Беларусбанк» супрацоўнічае з АБФФ з 2013 года і на працягу шасці гадоў захоўвае статус Генеральнага партнёра Нацыянальнага чэмпіянату Рэспублікі Беларусь па футболе сярод каманд вышэйшай лігі.
Аддзел камунікацый