У Бялградзе прайшоў Сербска-Беларускі бізнес-форум. Мерапрыемства арганізавана Беларускай гандлёва-прамысловай палатай. Галоўныя тэмы форуму - перспектыўныя напрамкі двухбаковага гандлёва-эканамічнага ўзаемадзеяння.
Падчас сустрэч і перагавораў кампаніі дзвюх краін абмеркавалі пытанні вядзення бізнесу ў галіне машынабудавання, сельскай гаспадаркі, нафтахіміі, вытворчасці прадуктаў харчавання, фармацэўтыкі, лёгкай прамысловасці, дрэваапрацоўкі, а таксама інструменты банкаўскай падтрымкі гандлёвых аперацый дзвюх краін.
У складзе дэлегацыі прадстаўнікоў дзяржаўных органаў Беларусі ўдзел у форуме прыняў старшыня праўлення «Беларусбанка» Віктар Ананіч.
У прысутнасці прэзідэнтаў Беларусі і Сербіі Аляксандра Лукашэнкі і Аляксандра Вучыча падпісаны Дагаворы карэспандэнцкага рахунку ў беларускіх рублях, доларах ЗША і еўра паміж Паштовым Ашчадным банкам і Беларусбанкам.
Таксама бакі працягнулі канструктыўны дыялог аб супрацоўніцтве ў галіне эканомікі, гандлю і інвестыцый, у прыватнасці, у праектах з удзелам беларускага і сербскага бізнесу. Падчас перагавораў бакі пацвердзілі гатоўнасць разглядаць двухбаковыя праекты, накіраваныя на пашырэнне знешнегандлёвых аперацый Беларусі і Сербіі, у тым ліку з выкарыстаннем дакументарных форм разлікаў.
На думку экспертаў, гэты эканамічны форум з'яўляецца важнай падзеяй у палітычным і эканамічным жыцці абедзвюх краін. Мерапрыемства таксама паспрыяе ўсталяванню далейшых даверных адносін.
Усё гэта стане магчымым, у тым ліку і дзякуючы афіцыйнаму візіту Прэзідэнта Рэспублікі Беларусь у Сербію.
Вынікам сербска-беларускага форуму стала падпісанне двухбаковых пагадненняў і камерцыйных кантрактаў.
Даведачна:
Паштовы Ашчадны Банк (Postal Savings Bank JSC), заснаваны ў 1921 годзе, з'яўляецца адным з найбуйнейшых дзеючых банкаў у Сербіі, кантрольны пакет акцый якога належыць ураду Сербіі. Паміж ААТ «ААБ Беларусбанк» і Postal Savings Bank JSC 4 красавіка 2019 года заключана Пагадненне аб стратэгічным супрацоўніцтве з мэтай абазначэння асноў доўгатэрміновага стратэгічнага партнёрства і прапановы фінансавых паслуг кліентам кожнага боку, якія задзейнічаны ў паспяховых камерцыйных і інвестыцыйных праектах.
Аддзел камунікацый