У рамках візіту ў Рэспубліку Сербію дэлегацыі «Беларусбанка» ў Бялградзе адбылася сустрэча старшыні праўлення найбуйнейшага банка краіны Віктара Ананіча з Паслом Рэспублікі Беларусь у Сербіі Валерыем Брылёвым. Пашырэнне дзелавых кантактаў і пошук новых напрамкаў супрацоўніцтва сталі асноўнымі тэмамі перагавораў.
Таксама адбылася сустрэча кіраўніцтва «Беларусбанка» і Паштовага Ашчаднага банка Сербіі.
Адзначым, што кіраўніцтва «Беларусбанка» ў складзе дэлегацыі прадстаўнікоў дзяржаўных органаў нашай краіны прыме ўдзел у Сербска-Беларускім форуме, які пройдзе 3 снежня ў Бялградзе.
Бізнес-форум пройдзе паралельна візіту Прэзідэнта Беларусі ў Сербію. Дзелавыя колы абмяркуюць магчымасці супрацоўніцтва ў сферах прамысловай вытворчасці і машынабудавання, сельскай гаспадаркі, нафтахіміі, вытворчасці прадуктаў харчавання, фармацэўтыкі, лёгкай прамысловасці, дрэваапрацоўкі і іншых галінах.
Аддзел камунікацый