У рамках Cbonds Awards CIS, што кожны год праводзіцца інфармацыйным агенцтвам Cbonds, Беларусбанк стаў пераможцам у намінацыі «Лепшы інвестыцыйны банк Беларусі». Цырымонія ўзнагароджання адбылася на XVI Аблігацыйным кангрэсе краін СНД, Балтыі і Каўказскага рэгіёну, які прайшоў у Батумі (Грузія).
У апошні час азначыўся ўстойлівы рост інтарэсу з боку кліентаў да выкарыстання інструментаў рынку каштоўных папер у сваёй бягучай дзейнасці.
Cbonds Awards CIS – штогадовая прэмія, якая ўручаецца лепшым удзельнікам аблігацыйнага рынку краін СНД па выніках адкрытага галасавання. Уладальнікаў узнагарод вызначаюць удзельнікі аблігацыйнага рынку. Галасаванне з'яўляецца цалкам адкрытым і праходзіць штогод з 2014 года.
Даведачна:
Група кампаній Cbonds - інфармацыйнае агенцтва, якое спецыялізуецца ў сферы фінансавых рынкаў. Група ажыццяўляе дзейнасць па наступных напрамках бізнесу: падтрыманне і развіццё інфармацыйных сайтаў (Cbonds.ru, Investfunds.ru, Preqveca.ru, Mergers.ru), правядзенне тэматычных канферэнцый і выстаў па фінансавых рынках, выдавецкая дзейнасць (часопіс Cbonds Review і штогадовыя даведнікі). Cbonds адсочвае навіны і кан'юнктуру фінансавых рынкаў, займаецца падтрымкай базы даных па выпусках пазыковых папер. На сайце Cbonds публікуюцца каментарыі па рынку ад вядучых інвестыцыйных дамоў, ключавыя індэксы, рэнкінгі інвестыцыйных банкаў - арганізатараў пазык і вядучых эмітэнтаў, рэйтынгі эмітэнтаў, фінансавая справаздачнасць і інш.