«Беларусбанк» і «Белпошта» завяршылі рэалізацыю маштабнага партнёрскага праекта, старт якому быў дадзены ў студзені гэтага года. Сумесная ініцыятыва па прадастаўленні банкаўскіх паслуг у аддзяленнях паштовай сувязі жыхарам сельскай мясцовасці нацэлена на пашырэнне геаграфіі прадастаўлення паслуг банка.
Дзякуючы праекту ў насельніцтва з'явілася магчымасць афармлення наступных прадуктаў і паслуг «Беларусбанка» ў аддзяленнях паштовай сувязі:
- дагавораў тэрміновага банкаўскага ўкладу ў беларускіх рублях на тэрмін ад 3-ох месяцаў да 5-ці гадоў;
- дагавору бягучага (разліковага) банкаўскага рахунку з выкарыстаннем банкаўскай карткі і яе выдачы;
- трох відаў спажывецкіх крэдытаў;
- папаўнення, зняцця наяўных і прагляд балансу па банкаўскай плацежнай картцы.
Каля 800 аддзяленняў паштовай сувязі РУП «Белпошта», размешчаных у сельскай мясцовасці па ўсёй краіне, гатовы прыняць кліентаў для здзяйснення названых банкаўскіх аперацый і афармлення дакументаў.
З моманту рэалізацыі праекта ў сельскіх аддзяленнях «Белпошты» адкрыта больш за 500 укладаў на суму каля Br1,7 млн, заключана больш за 20 дагавораў бягучага (разліковага) банкаўскага рахунку з выкарыстаннем банкаўскай плацежнай карткі.
Партнёрскі праект «Беларусбанка» і «Белпошты» адкрывае новую старонку шматгадовага двухбаковага супрацоўніцтва, заснаваную на сучасных стандартах прадастаўлення банкаўскіх паслуг і тэхналогій насельніцтву краіны.
Аддзел камунікацый