Навіны банка і прэс-рэлізы
10.05.2019

«Беларусбанк» атрымаў узнагароды ад партнёраў на конкурсе «Банк года»

У Мінску падвялі вынікі штогадовай банкаўскай прэміі «Банк года – 2018». «Беларусбанку» ўручаны ўзнагароды ў дзвюх намінацыях ад партнёраў. Плацежная сістэма БЕЛКАРТ выступіла заснавальнікам спецыяльнай намінацыі за найбольшы прырост эмісіі картак БЕЛКАРТ, выпушчаных у 2018 годзе. Пераможцам стаў «Беларусбанк».

банк года - прэмія Белкарт

«З Нацыянальнай плацежнай сістэмай мы працуем ужо больш за 10 гадоў. За перыяд нашага супрацоўніцтва банкам выпушчана больш за 4 млн картак БЕЛКАРТ. І гэта, напэўна, самы галоўны паказчык паспяховага, узаемавыгаднага партнёрства», - адзначыла на ўрачыстай цырымоніі дырэктар дэпартамента рознічнага бізнесу «Беларусбанка» Іна Русаковіч.  

У рамках правядзення прэміі кампанія «Медыя Лайн» вывучыла ўсе сайты беларускіх банкаў і таксама ўручыла ўзнагароды пераможцам. У намінацыі «Лепшы банкаўскі сайт», удзельнікамі якой сталі 24 беларускіх банка, другое месца заняў «Беларусбанк». Перамога ў гэтай намінацыі - гэта сведчанне паспяховай працы банка ў дадзеным напрамку.

Лепшы банкаўскі сайт

уручэнне ўзнагароды за лепшы сайт

Прэмія «Банк года 2018» - падвядзенне вынікаў працы банкаў, якія вялі камерцыйную дзейнасць на тэрыторыі Рэспублікі Беларусь у 2018 годзе. Прэмія праходзіць пры афіцыйнай падтрымцы Асацыяцыі беларускіх банкаў, а таксама пры кансультацыйнай падтрымцы Нацыянальнага банка Рэспублікі Беларусь.

Заснавальнік прэміі - фінансавы партал Myfin.by, арганізатар - агенцтва GUARDO. Прэмія праходзіць штогод з 2015 года. Падвядзенне вынікаў праводзіцца на аснове даных, прадстаўленых банкамі ў аргкамітэт прэміі шляхам запаўнення заяўкі.

Аддзел камунікацый

Жадаеце заўсёды быць у курсе апошніх навін? Падпішыцеся!