Дэлегацыя ААТ «ААБ Беларусбанк» прымае ўдзел у другім Форуме міжнароднага супрацоўніцтва «Пояс і шлях». На палях форуму адбылася сустрэча лiдараў дзвюх дзяржаў Аляксандра Лукашэнкі і Сі Цзіньпіна. У перагаворах у складзе беларускай дэлегацыі ўдзельнічаў старшыня праўлення «Беларусбанка» Віктар Ананіч.
Кіраўнікі Беларусі і Кітая падкрэслілі, што за мінулыя 6 гадоў з моманту абвяшчэння ініцыятывы «Пояс і шлях» супрацоўніцтва па яе сумеснай рэалізацыі ўвянчалася поспехамі. «Індустрыяльны парк «Вялікі камень» стаў адным з узорных праектаў нашага супрацоўніцтва.
У рамках візіту дэлегацыі банка ў Пекін падпісана крэдытнае пагадненне з Банкам развіцця Кітая аб прадастаўленні «Беларусбанку» фінансавых рэсурсаў на суму 100 млн еўра для развіцця нацыянальнай эканомікі.
(дакумент падпісваюць дырэктар ляонінскага філіяла Банка развіцця Кітая (ДБРК) Хон Дэнцзінь і старшыня праўлення «Беларусбанка» Віктар Ананіч)
Цырымонія падпісання крэдытнага пагаднення прайшла з удзелам Надзвычайнага і Паўнамоцнага Пасла Беларусі ў Кітаі Кірыла Рудага.
На кітайскім рынку «Беларусбанк» актыўна працуе ўжо больш за 10 гадоў. Найбуйнейшы банк краіны - адзіны беларускі банк, які мае ў Кітаі пастаяннае прадстаўніцтва. «Беларусбанк» выступае ад імя Рэспублікі Беларусь у Міжбанкаўскім аб'яднанні Шанхайскай арганізацыі Супрацоўніцтва.
Лакаматывам гэтага аб'яднання выступае галоўны партнёр банка не толькі ў Кітаі, але і ва ўсім азіяцкім рэгіёне - Банк развіцця Кітая.
(на фота: дырэктар ляонінскага філіяла Банка развіцця Кітая (ДБРК) Хон Дэнцзінь, старшыня праўлення ДБРК Чжао Хуань, Пасол Рэспублікі Беларусь у Кітаі Кірыл Руды, старшыня праўлення «Беларусбанка» Віктар Ананіч)
Напярэдадні візіту Прэзідэнта Беларусі Аляксандра Лукашэнкі ў Пекін з удзелам прадстаўнікоў беларускай дэлегацыі падпісана больш за дзесяць дамоўленасцей аб развіцці супрацоўніцтва ў сферы медыцыны, адукацыі, стварэння сумесных вытворчасцей і інвестыцый. У цырымоніі, якая адбылася ў беларускай дыпмісіі ў КНР, прыняла ўдзел кіраўніцтва «Беларусбанка».
На палях міжнароднага форуму «Пояс і шлях» Беларуская чыгунка і Эксімбанк Кітая падпісалі крэдытнае пагадненне аб прадастаўленні рэсурсаў на суму 65,7 млн еўра. Гарантам выступіць «Беларусбанк». Сродкі будуць прадастаўлены для фінансавання праекта «Электрыфікацыя ўчасткаў Гомель-Жлобін-Асіповічы і Жлобін-Калінкавічы. 3-я чарга. Участак Жлобін-Калінкавічы».
(на фота: начальнік Беларускай чыгункі Уладзімір Марозаў, віцэ-прэзідэнт Эксімбанка Кітая Се Пін, старшыня праўлення «Беларусбанка» Віктар Ананіч)
У рамках візіту дэлегацыя «Беларусбанка» прыняла ўдзел у тэматычным форуме «Financial Connectivity Forum». Спікерамі мерапрыемства выступілі Міністр фінансаў КНР, Старшыня Праўлення Народнага банка Кітая, Дырэктар-распарадчык МВФ і прадстаўнік Сусветнага банка.
Падчас дзелавых перагавораў быў адзначаны высокі ўзровень даверу паміж Мінскам і Пекінам. Бакі акцэнтавалі ўвагу на павелічэнні ўзаемавыгадных беларуска-кітайскіх праектаў.
(на фота: старшыня Дзяржаўнага мытнага камітэта Беларусі Юрый Сянько, Міністр эканомікі Беларусі Дзмітрый Крутой, кіраўнік адміністрацыі індустрыяльнага парка «Вялікі камень» Аляксандр Ярашэнка, старшыня праўлення «Беларусбанка» Віктар Ананіч)
У рамках візіту кіраўніцтва «Беларусбанка» ў Кітай у складзе беларускай дэлегацыі таксама праведзены шэраг сустрэч з партнёрамі банка. Па выніках перагавораў бакі вызначылі перспектыўныя напрамкі супрацоўніцтва.
Дзелавыя сустрэчы адбыліся ў рамках удзелу дэлегацыі ААТ «ААБ Беларусбанк» на чале са старшынёй праўлення Віктарам Ананічам у II Форуме міжнароднага супрацоўніцтва «Пояс і шлях», які праходзіць з 25 па 27 красавіка ў Пекіне. Усяго колькасць удзельнікаў мерапрыемства налічвае каля 5000 замежных гасцей з 150 краін.
(у тэксце выкарыстоўваюцца фота з архіва БелТА)
Аддзел камунікацый