Навіны банка і прэс-рэлізы
17.04.2019

Дэлегацыя «Беларусбанка» і «БЕЛКАРТ» наведала галаўны офіс China UnionPay

16 красавіка 2019 года ў галаўным офісе China UnionPay у горадзе Шанхаі (КНР) адбылася сустрэча сумеснай дэлегацыі ААТ «ААБ Беларусбанк» і ЗАТ «Плацежная сістэма БЕЛКАРТ» з даччынай кампаніяй China UnionPay International. 

прадстаўнікі Кітая і Беларусі: плацежныя сістэмы

(на фота: намеснік старшыні праўлення ААТ «ААБ Беларусбанк» Святлана Кажэкіна і галоўны выканаўчы дырэктар - Прэзідэнт UnionPay International Цай Цзяньбо)

Падведзены прамежкавыя вынікі рэалізацыі заключанага ў сакавіку 2018 года партнёрскага пагаднення паміж ААТ «ААБ Беларусбанк» і China UnionPay International аб арганізацыі абслугоўвання плацежных карт UnionPay у гандлёвых і сэрвісных прадпрыемствах на тэрыторыі Беларусі. Бакі выказалі ўзаемнае задавальненне дасягнутымі вынікамі. На сённяшні момант «Беларусбанк» адкрыў больш за 75 працэнтаў сваёй плацежнай інфраструктуры для абслугоўвання картак кітайскай сістэмы.

Алена Несцяронак і Святлана Кажэкіна

(на фота: дырэктар ЗАТ «Плацежная сістэма БЕЛКАРТ» Алена Несцяронак і намеснік старшыні праўлення ААТ «ААБ Беларусбанк» Святлана Кажэкіна)

Бакі прыйшлі да прынцыповага разумення па перспектыўных напрамках супрацоўніцтва на бліжэйшыя гады, якія ў поўнай меры  адпавядаюць глыбіні двухбаковых адносін паміж Беларуссю і Кітаем.