З 01.04.2019 «Беларусбанк» запусціў новую партнёрскую праграму крэдытавання фізічных асоб на набыццё аўтамабіляў Geely на льготных умовах.
Дадзеная праграма распаўсюджваецца на аўтамабілі маркі Atlas і Emgrand X7, якія набываюцца праз афіцыйных дылераў СЗАТ «БЕЛДЖЫ».
Крэдытная прапанова прадугледжвае паніжаную працэнтную стаўку па крэдыце ў першыя 2 - 3 гады крэдытавання - 3,9% гадавых (стаўка рэфінансавання мінус 6,1 п.п.). У далейшым стаўка будзе роўная стаўцы рэфінансавання, павялічанай на 3,9 п.п.
Банк гатовы прадастаўляць крэдытныя сродкі ў памеры да 90% кошту аўтамабіля. Пры гэтым, чым большая сума ўнесеных уласных сродкаў на куплю аўто, тым большы льготны перыяд крэдытавання.
Калі за кошт уласных сродкаў аплачваецца 10% кошту аўтамабіля, то перыяд крэдытавання па паніжанай стаўцы складзе 2 гады, калі ж аплаціць самастойна 25% кошту аўто - льготны перыяд павялічваецца да 3-х гадоў.
Крэдыт прадастаўляецца на тэрмін да 7 гадоў з магчымасцю датэрміновага пагашэння. Акрамя таго, пры разліку максімальнай сумы крэдыту магчыма ўключэнне ў сукупны даход крэдытаатрымальніка даходаў аднаго паручыцеля.
Больш падрабязную інфармацыю можна атрымаць ва ўстановах банка або патэлефанаваўшы па нумары 147 (адзіны даведачны нумар дзейнічае на ўсёй тэрыторыі Рэспублікі Беларусь).
Аддзел камунікацый