Беларусбанк» другі год запар выступіў Генеральным партнёрам маштабнага агульнарэспубліканскага дзіцячага тэлевізійнага конкурсу «Талент краіны», які рэалізуе Агульнанацыянальнае тэлебачанне разам са Спецыяльным фондам Прэзідэнта Рэспублікі Беларусь па падтрымцы таленавітай моладзі, Міністэрствам культуры Рэспублікі Беларусь, Беларускай дзяржаўнай акадэміяй музыкі.
Падтрымка, накіраваная на развіццё культуры і мастацтва - адна з важных сацыяльных задач банка, якая знаходзіць сваё адлюстраванне ў дабрачынным праекце «Прастора натхнення».
Банк заўсёды падтрымлівае таленавітых дзяцей, якія любяць сваю краіну і будуць рабіць усё, каб яна стала яшчэ больш прывабнай.
Лепшымі ў гэтым годзе былі прызнаныя:
- малодшая ўзроставая група - Хотулева Мілана, 5 гадоў, арыгінальны жанр, г. Віцебск, (дэкламацыя);
- старэйшая ўзроставая група - Мазоль Нікан, 15 гадоў, інструментальны жанр, г. Мінск (скрыпка).
Усім фіналістам 3-га сезона дзіцячага конкурсу былі ўручаны падарункі ад Генеральнага партнёра. Пераможцы атрымалі сертыфікаты на адпачынак у адным з санаторыяў банка.
Аддзел камунікацый