Штогадовая сустрэча акцыянераў з менеджментам ААТ «ААБ Беларусбанк» адбылася напярэдадні ў Галаўным офісе фінансавай установы.
Намеснік Старшыні Праўлення Банка Таццяна Міхайлоўская выступіла з прывітальным словам і коратка расказала пра ход рэалізацыі Стратэгіі развіцця Банка.
Вынікі дзейнасці фінансавай установы за 10 месяцаў 2018 года, укараненне новых прадуктаў і паслуг, развіццё даччыных кампаній акцыянерам прадставіў дырэктар фінансава-эканамічнага дэпартамента Кірыл Ярмошык. У рамках інфармацыі аб выніках працы Банка была дадзена падрабязная ацэнка пазіцыям ААТ «ААБ Беларусбанк» у банкаўскай сістэме краіны.
Старшыня Камітэта па ўзаемадзеянні з мінарытарнымі акцыянерамі Вячаслаў Тэдзееў агучыў папярэднія вынікі працы Камітэта, а таксама дэталёва спыніўся на пытаннях, што хвалююць акцыянераў Банка.
Вялікі інтарэс у акцыянераў выклікалі пытанні аб закладзе акцый у якасці спосабу забеспячэння крэдыту і здзелках РЭПО з акцыямі. Таксама прысутных цікавіў плануемы памер дывідэндаў.
Падчас мерапрыемства адбыўся абмен меркаваннямі па шырокім спектры пытанняў.
Для банка такія сустрэчы - крыніца інфармацыі для далейшага ўдасканалення працы з кліентамі.
У канцы сустрэчы прысутныя ў цёплай сяброўскай абстаноўцы абмяняліся пажаданнямі і віншаваннямі напярэдадні свята Нараджэння Хрыстова і Новага года.
Сустрэча з акцыянерамі, якая стала неад'емным элементам сістэмы карпаратыўнага кіравання Банка, у бягучым годзе яшчэ раз пацвердзіла сваю важнасць і актуальнасць.