Навіны банка і прэс-рэлізы
28.09.2018

«Беларусбанк» падтрымаў рэспубліканскую акцыю «Прадухіліць інфаркт міакарда» (відэа)

Па ўсёй краіне 27 верасня прайшла ініцыяваная Міністэрствам аховы здароўя рэспубліканская акцыя «Прадухіліць інфаркт міакарда». «Беларусбанк» не застаўся  абыякавым да сацыяльна-значнай тэмы. Сумесна з УА «Беларускі дзяржаўны медыцынскі ўніверсітэт» быў арганізаваны комплекс мерапрыемстваў для кліентаў і супрацоўнікаў банка.

Падчас правядзення акцыі ўдзельнікі змаглі вымераць артэрыяльны ціск, атрымаць кансультацыю ў спецыялістаў па правільнай методыцы яго вымярэння, задаць пытанні па прафілактыцы захворванняў сардэчна-сасудзістай сістэмы. Для супрацоўнікаў банка таксама было складзена спецыяльнае меню правільнага харчавання.

Ахова здароўя і прапаганда здаровага ладу жыцця - адзін з важных прыярытэтаў карпаратыўнай сацыяльнай адказнасці банка. «Беларусбанк» упершыню далучыўся да гэтай акцыі, пры гэтым, мерапрыемствы праводзіліся ў шэрагу ўстаноў банка ў цэлым па краіне.

Падрабязнасці - далей у сюжэце праграмы «Нашы навіны» на тэлеканале «АНТ».

Аддзел камунікацый ААТ «ААБ Беларусбанк»

Жадаеце заўсёды быць у курсе апошніх навін? Падпішыцеся!