ААТ «ААБ Беларусбанк» запусціў новую паслугу ў інтэрнэт-банкінгу - сэрвіс грашовых пераводаў Western Union®. Цяпер кліенты банка маюць магчымасць кругласутачна адпраўляць і атрымліваць міжнародныя грашовыя пераводы Western Union, не звяртаючыся ў пункты абслугоўвання.
На фота: спецыялісты банка, якія прымалі ўдзел у распрацоўцы гэтага сэрвісу
- «Беларусбанк» сумесна з кампаніяй Western Union упершыню на фінансавым рынку Рэспублікі Беларусь прадастаўляе паслугу аддаленага абслугоўвання кліентаў. У дадатак да існуючай сеткі, якая налічвае больш за шэсцьсот пунктаў абслугоўвання ва ўсіх абласцях краіны, цяпер мы даем нашым кліентам магчымасць адпраўляць міжнародныя пераводы Western Union 24 гадзіны ў суткі 7 дзён на тыдзень і атрымліваць іх, не выходзячы з дому, – адзначыў намеснік Старшыні Праўлення ААТ «ААБ Беларусбанк» Віктар Перапяліца.
- Маючы больш чым 160-гадовы вопыт працы, кампанія Western Union пастаянна сочыць за эвалюцыяй пераваг кліентаў і глядзіць на рынак іх вачыма. Мы вельмі рады даць кліентам «Беларусбанка» магчымасць адпраўляць грашовыя пераводы ў любы час і ў любым месцы. Гэта важны крок да таго, каб задаволіць патрэбы нашых кліентаў у лічбавым сегменце і спрасціць паслугу грашовых пераводаў, і гэта яшчэ адзін паспяховы прыклад мультыканальнага падыходу Western Union. – сказаў Андрэй Агееў, Генеральны дырэктар Western Union у Расіі і СНД.
