Старшыня праўлення ААТ «ААБ Беларусбанк» Віктар Ананіч 22 чэрвеня правёў рабочы візіт у г. Салігорск, дзе наведаў ААТ «Беларуськалій» і сустрэўся з генеральным дырэктарам прадпрыемства Іванам Галаватым.
На фота: Іван Галаваты, генеральны дырэктар ААТ «Беларуськалій», Віктар Ананіч, старшыня праўлення ААТ «ААБ Беларусбанк»
«Наша супрацоўніцтва з "Беларуськаліем" можна без перабольшвання назваць шматгадовым, прадуктыўным і маштабным. Сёння банк аказвае найбуйнейшаму беларускаму камбінату больш за 40 відаў банкаўскіх паслуг. Адным з першых для кліента быў рэалізаваны зарплатны праект, плацежнымі карткамі "Беларусбанка" карыстаецца каля 13 тыс супрацоўнікаў прадпрыемства, – пракаменціраваў Віктар Ананіч. – З 2003 года наша ўзаемадзеянне рэгламентавана заключаным з «Беларуськаліем» Генеральным пагадненнем супрацоўніцтва».
На фота: Іван Галаваты, генеральны дырэктар ААТ «Беларуськалій», Віктар Ананіч, старшыня праўлення ААТ «ААБ Беларусбанк»
На фота: Іван Галаваты, генеральны дырэктар ААТ «Беларуськалій», Сяргей Пінчук, намеснік генеральнага дырэктара па эканоміцы і фінансах ААТ «Беларуськалій», Віктар Ананіч, старшыня праўлення ААТ «ААБ Беларусбанк», Дзмітрый Грыбоўскі, начальнік філіяла № 500 – Мінскага абласнога ўпраўлення ААТ «ААБ Беларусбанк»
У сустрэчы прынялі ўдзел начальнік філіяла № 500 – Мінскага абласнога ўпраўлення ААТ «ААБ Беларусбанк» Дзмітрый Грыбоўскі і намеснік генеральнага дырэктара па эканоміцы і фінансах ААТ «Беларуськалій» Сяргей Пінчук. Абмеркаваны пытанні фінансавання інвестыцыйнай і бягучай дзейнасці прадпрыемства, прыцягнення прамых замежных інвестыцый для фінансавання паставак імпартнага абсталявання, магчымасці ўдзелу банка ў рэалізацыі сацыяльных праектаў.
У завяршэнні перамоў Віктар Ананіч і Іван Галаваты выказалі гатоўнасць да працягу супрацоўніцтва ў форме актыўнага ўдзелу ў рэалізацыі інвестыцыйных праектаў, эканамічных і сацыяльных праграм як асобна таварыства, так і рэгіёна ў цэлым, паколькі ААТ «Беларуськалій» з’яўляецца горадаўтваральным прадпрыемствам г. Салігорска.
На фота: Дзмітрый Грыбоўскі, начальнік філіяла № 500 – Мінскага абласнога ўпраўлення ААТ «ААБ Беларусбанк», Віктар Ананіч, старшыня праўлення ААТ «ААБ Беларусбанк», Іван Галаваты, генеральны дырэктар ААТ «Беларуськалій»
Удзельнікі сустрэчы наведалі падземнае аддзяленне ДУ «Рэспубліканская бальніца спелеалячэння» на тэрыторыі Першага рудаўпраўлення, цэнтр развіцця дзіцяці «Планета дзяцінства» і будынак кафедральнага сабора Нараджэння Хрыстова, які ўзводзіцца ў Салігорску.
Даведка:
У рамках Генеральнага пагаднення аб супрацоўніцтве з «Беларуськаліем» для падтрымання вытворчых магутнасцяў прадпрыемства былі адкрыты дзве інвестыцыйныя крэдытныя лініі для будаўніцтва Чырвонаслабодскага рудніка.
Дзякуючы лізінгавай падтрымцы банка былі набыты сумесныя ачышчальныя камбайны фірмы «Айкхофф». У 2012 годзе было прынята рашэнне аб будаўніцтве завода па вытворчасці комплексных угнаенняў. Рэалізацыя гэтага праекта коштам больш за 35 млн еўра стала магчымай дзякуючы сумеснай праграме ААТ «Беларуськалій», ААТ «ААБ Беларусбанк» і Commerzbank AG, Германія. У 2013 годзе паміж банкам і камбінатам было падпісана пагадненне аб прадастаўленні мультывалютнай крэдытнай лініі на суму 1,3 трлн беларускіх рублёў.
«Беларуськалій» – адзін з найбуйнейшых у свеце вытворцаў і пастаўшчыкоў калійных мінеральных угнаенняў для сельскай гаспадаркі, на працягу дваццаці гадоў пазіцыяніруе «Беларусбанк» як галоўнага, надзейнага партнёра ў арганізацыі аптымальных схем фінансавання і разлікаў прадпрыемства.
На долю ААТ «Беларуськалій» прыходзіцца больш за 18% сусветнай вытворчасці і экспарту калійных угнаенняў. На экспарт пастаўляецца больш за 90% выпускаемай прадукцыі ў фізічнай вазе, пры гэтым у грашовым выражэнні доля экспарту складае больш за 90%.
Прэс-служба ААТ «ААБ Беларусбанк»