Па выніках конкурсу «Спажывецкі вопыт - 2016», які праводзіць уплывовы фінансавы інтэрнэт-партал Інфабанк, ААТ «ААБ Беларусбанк» у трэці раз было названа пераможцам у спецыяльнай намінацыі «Самы спагадлівы Банк - 2016». Праект ахапіў 24 камерцыйныя банкі, 9 найбуйнейшых гарадоў рэспублікі. У цэнтр увагі трапілі папулярныя банкаўскія паслугі, каналы дыстанцыйнага банкаўскага абслугоўвання, сэрвіс «Інтэрнэт-банкінг».
«Наш банк быў вызначаны як банк, які хутчэй за іншыя рэагуе на ўсе водгукі кліентаў. Хаця і кажуць, што снарад двойчы ў адну мэту не трапляе, але гэта як раз той выпадак, калі трапляе і двойчы, і тройчы, — жартуе Андрэй Корбут, дырэктар Кантакт-цэнтра «Беларусбанка», падчас цырымоніі ўручэння дыпломаў. — Дзякуючы нашым аператарам, якія адказваюць кліентам па нумары 147 і якія працуюць з водгукамі на партале infobank.by ды і на іншых сайтах, нам удаецца аператыўна і па сутнасці вырашаць праблемы кліентаў».
Без дапамогі зацікаўленых дэпартаментаў — распрацоўшчыкаў канкрэтных прадуктаў поспех не быў бы магчымым, лічаць у Кантакт-цэнтры.
«Я заўсёды арыентую нашых спецыялістаў на тое, што яны не проста павінны «рабіць адпіскі» на сайце, але вырашаць праблему і, галоўнае, — трымаць кліента ў курсе. Мабыць, таму сярод водгукаў кліентаў банка так многа зваротаў са статусам «праблема вырашана», — дадае Андрэй Корбут.
Кліенты ў «Беларусбанк» звяртаюцца не толькі за кансультацыяй, але і з нестандартнымі пытаннямі.
«Адна справа, калі гаворка ідзе аб заблакіраваным Інтэрнэт-банкінгу або неправамерна спісаных грашах пры разліку за пакупкі ў Інтэрнэце, і зусім іншае, калі прыходзіцца разбірацца з сітуацыямі карпаратыўных кліентаў. У апошнім выпадку разумееш, што кожны няправільны крок нашых спецыялістаў небяспечны тым, што цэлае прадпрыемства можа сысці з абслугоўвання. І ў такіх выпадках для вырашэння праблемы прыходзіцца "павазіцца" значна больш», — тлумачыць каіраўнік.
Кантакт-цэнтр стараецца працаваць так, каб больш было станоўчых водгукаў кліентаў.
«Але, шчыра кажучы, не пасуем мы і перад негатывам. Скаргі і прапановы — гэта наш стымул да развіцця, — сцвярджае Андрэй Корбут. —Вельмі радуе, калі кліенты з разуменне справы даюць нейкія практычныя парады адносна таго, як удасканаліць Інтэрнэт- і М-банкінг, іншыя сэрвісы банка. Заўсёды ўважліва разглядаем такія звароты, перадаём іх зацікаўленым службам. Адным словам, чаго не зробіш, каб кліент застаўся задаволены!»
Улічваючы вялізную кліенцкую базу найбуйнейшага банка краіны, стаць у трэці раз «Самым спагадлівым банкам» вельмі няпроста. Але супрацоўнікі Кантакт-цэнтра плануюць працягваць у тым жа накірунку.
«Поспех заўсёды акрыляе і мытывуе. У рэшце рэшт, кожны з нас разумее: больш вырашаных праблем — больш задаволеных і лаяльных кліентаў. А праблем не бывае толькі ў таго, хто не працуе», — дадае Андрэй Корбут.
Даведка:
Кантакт-цэнтр «Беларусбанка» быў створаны ў 2010 годзе. У цяперашні час тут працуе 60 чалавек, задача якіх даць адчуць кожнаму кліенту, што гэта банк, у якім вас чуюць.