Імёны найлепшых футбалістаў і трэнераў «Беларусбанк – чэмпіянат Рэспублікі Беларусь па футболе» былі названы падчас цырымоніі закрыцця футбольнага сезону «Зорны мяч – 2016».
На фота: Старшыня праўлення ААТ «ААБ Беларусбанк» Сяргей Пісарык уручае прызы лідарам
Прадстаўнікі «Беларусбанка» ўручылі прызы пераможцам у розных намінацыях: лепшы варатар – Андрэй Клімовіч, абаронца – Павел Рыбак, паўабаронца – Ігар Стасевіч, нападаючы – Віталій Радзівонаў, бамбардзір – Міхаіл Гардзяйчук. Лепшым гульцом нацыянальнага чэмпіянату Беларусі прызнаны Ігар Стасевіч (БАТЭ). Гэтага прызнання ён уганараваны ўжо трэці год запар!
«Беларусбанк» адзначаны Падзякай Асацыяцыі «Беларуская федэрацыя футболу» за падтрымку і значны ўклад у развіццё беларускага футболу. Дарэчы, гэта трэцяя ўзнагарода падобнага кшталту.
Падтрымка нацыянальнага чэмпіянату па футболе ажыццяўляецца ў рамках праекта «Беларусбанк. Пераможам разам!», арыентаванага на спорт высокіх дасягненняў, фізічнай культуры і здаровага ладу жыцця.
У снежні 2013 года ААТ «ААБ Беларусбанк» і Асацыяцыя «Беларуская федэрацыя футболу» падпісалі пагадненне аб партнёрстве. Дакумент вызначыў статус «Беларусбанка» як генеральнага партнёра Беларускай федэрацыі футболу яшчэ два гады і замацаванне афіцыйнай назвы чэмпіянату краіны: «Беларусбанк – чэмпіянат Рэспублікі Беларусь па футболе».
Дзякуючы фінансавай падтрымцы «Беларусбанка» ўпершыню ў гісторыі беларускага футболу на выканаўчым камітэце АБФФ у студзені 2014 года было прынята рашэнне заснаваць прызавы фонд для пераможцы і прызёраў нацыянальнага чэмпіянату Рэспублікі Беларусь па футболе.
Прэс-служба ААТ «ААБ Беларусбанк»