Выстаўка пройдзе з 27 па 29 кастрычніка 2016 года ў Палацы спорту (г. Мінск, пр. Пераможцаў, 4).
«Беларусбанк» прапануе шырокі пералік маркетынгавых акцый і прома-мерапрыемстваў. У рамках дзелавой праграмы «МАНIФЭСТА» адбудзецца прэзентацыя інавацыйнага прадукта банка «Інтэрнэт-аблігацыі». Будуць арганізаваны кансультацыі па дыстанцыйным афармленні плацежнай карткі, правядзенні плацяжоў праз інфакіёск. Карыстальнікі сістэмы «Інтэрнэт-банкінг» атрымаюць магчымасць адкрыць Інтэрнэт-дэпазіт, купіць Інтэрнэт-аблігацыі. Самыя дапытлівыя змогуць прайсці электронны тэст па фінансавай граматнасці і атрымаць запаветны прыз.
Асаблівы акцэнт будзе зроблены на юных наведвальніках. Група па павышэнні фінансавай граматнасці наладзіць практычнае навучанне і дэманстрацыю магчымасцей ДБА. Міні-ўрокі правядуць кансультанты – пераможцы конкурса «Юны фінансіст» у рамках праекта «Дзеці – дзецям пра ДБА». Напэўна зацікавіць Школка Грошыка, віктарына «Веру – не веру!», «Красворд» і конкурс у сацсетках «Я з Беларусбанкам!».
Абяцаюць быць займальнымі квэст «У пошуках банкаўскіх скарбаў» і акцыя «Намалюй сваю картку і атрымай падарунак» у рамках конкурса «Сам сабе дызайнер», які праводзіцца сумесна з ЗАТ «Плацежная сістэма БЕЛКАРТ». Прыходзьце і дзяцей прыводзьце. Будзе цікава!
Прэс-служба ААТ «ААБ Беларусбанк»