Заяўку на атрыманне страхавой паслугі ў «Беларусбанку» можна аформіць праз інтэрнэт (прэс-рэліз)

Працягваючы ўдасканальваць дыстанцыйнае банкаўскае абслугоўванне фізічных асоб, ААТ «ААБ Беларусбанк» прадастаўляе магчымасць анлайн-афармлення заяўкі на атрыманне страхавой паслугі.

 

Для гэтага на карпаратыўным сайце ў раздзеле «Фізічным асобам» -«Страхаванне» або з выкарыстаннем правага плаваючага меню сайта «Online-заяўка на афармленне страхоўкі» кліенту неабходна запоўніць прапанаваныя ў выбранай заяўцы параметры і пацвердзіць іх дакладнасць.

 Запоўненая заяўка ў аўтаматызаваным рэжыме накіроўваецца ў пазначанае кліентам падраздзяленне банка, супрацоўнік якога ўзгадняе з ім дату і час наведвання ўстановы банка. Паслуга бясплатная.

 Аформіць заяўку магчыма па наступных відах страхавання:

- абавязковае страхаванне грамадзянскай адказнасці ўладальнікаў транспартных сродкаў на тэрыторыі краін-членаў сістэмы «зялёная карта»;

- абавязковае страхаванне грамадзянскай адказнасці ўладальнікаў транспартных сродкаў на тэрыторыі Рэспублікі Беларусь;

- добраахвотнае страхаванне ад хвароб і няшчасных выпадкаў на час паездкі за мяжу (ЗАСТ «Прамтрансінвест»).

 Гэты сэрвіс дазваляе кліентам звесці да мінімуму час чакання для атрымання страхавой паслугі ў падраздзяленні банка.

 Больш падрабязную інфармацыю можна атрымаць па тэлефоне Кантакт-цэнтра 147.