Распараджэннем Прэм’ер-міністра Рэспублікі Беларусь ад 04.05.2016 № 166р створана рабочая група для каардынацыі работы па рэалізацыі мінарытарнага пакета акцый адкрытага акцыянернага таварыства ”Ашчадны банк ”Беларусбанк“. Кіраўніком рабочай групы прызначаны Міністр фінансаў Уладзімір Амарын.
У адпаведнасці з распараджэннем, рабочай групе даручана ўзгадніць ААТ ”ААБ Беларусбанк“ умовы адкрытага конкурсу па выбары фінансавага кансультанта па пытаннях рэалізацыі мінарытарнага пакета акцый ААТ ”ААБ Беларусбанк“ (далей – фінансавы кансультант); узгадніць ААТ ”ААБ Беларусбанк“ конкурсную дакументацыю па выбары фінансавага кансультанта. Таксама даручана ўзгадніць спіс кандыдатаў на выкананне функцый фінансавага кансультанта; падрыхтаваць рэкамендацыі Ураду Рэспублікі Беларусь па выбары фінансавага кансультанта; узгадніць падрыхтаваны фінансавым кансультантам план мерапрыемстваў па рэалізацыі мінарытарнага пакета акцый ААТ ”ААБ Беларусбанк“.
Сярод іншага рабочай групе неабходна ўзгадніць папярэднюю ацэнку кошту акцый ААТ ”ААБ Беларусбанк“; падрыхтаваць і да 1 лістапада 2017 г. унесці ва Урад Рэспублікі Беларусь прапановы аб выбары пакупніка мінарытарнага пакета акцый ААТ ”ААБ Беларусбанк“.