ААТ «ААБ Беларусбанк» сумесна з РУП «Белтэлекам» і кампаніяй электронных плацяжоў ASSIST Belarus рэалізаваны сэрвіс па аплаце падключэння да сеткі Інтэрнэт праз кропкі доступу Wi-Fi, размешчаныя ў грамадскіх месцах, з дапамогай банкаўскіх картак.
Паслугай можна скарыстацца ў больш чым 1,4 тыс. кропак доступу Wi-Fi РУП «Белтэлекам» па ўсёй Беларусі.
Як гэта працуе?
Карыстальніку неабходна выбраць даступную сетку Wi-Fi з імем BELTELECOM, пасля чаго пры запуску браўзара ён аўтаматычна трапляе на абароненую старонку аўтарызацыі.
На старонцы аўтарызацыі для атрымання доступу карыстальніку неабходна выбраць патрэбную колькасць мінут падключэння да Інтэрнэту, увесці нумар мабільнага тэлефона і рэквізіты банкаўскай карткі для аплаты. Пасля пацвярджэння аплаты на пазначаны нумар тэлефона будзе даслана SMS-паведамленне з лагінам і паролем для падключэння.