З Днём маці вас!
Гэта светлае свята – сціплая даніна ўдзячнасці высакароднай і высокай місіі жанчыны на зямлі – дарыць жыццё.
Слова «мама» сапраўды святое для кожнага чалавека. Яно – скарбніца любові, душэўнасці, мудрасці, умення зразумець і падтрымаць у цяжкую хвіліну. Матчыны рукі – увасабленне цяпла і пяшчоты, сэрца маці – непазбыўная бездань, у глыбіні якой заўжды знойдзецца прабачэнне. Бо сказана: будучыня нацыі – у руках маці.
Ёсць вялікая логіка ў тым, што свята адзначаецца па праваслаўным календары ў дзень Пакрова Прасвятой Багародзіцы. І падобна таму як Царыца Нябесная накрывае жывучых на зямлі сваім святым амафорам, так і Маці з’яўляецца берагіняй і заступніцай рода чалавечага.
Моцнага вам здароўя, дабрабыту, шчасця, клопату і ўдзелу блізкіх! Няхай вашы вочы не ведаюць слёз, дзеці спраўдзяць вашы надзеі, а кожны пражыты дзень будзе напоўнены дабром.
Нізкі вам паклон! І дзякуй за ўсё!
Праўленне ААТ «ААБ Беларусбанк»