ААТ «ААБ Беларусбанк» і УП «АСБ БРОКЕР» аказваюць фізічным асобам паслугі па набыцці бездакументарных валютных аблігацый Міністэрства фінансаў Рэспублікі Беларусь

З 22 чэрвеня па 31 снежня 2015 г. Міністэрства фінансаў Рэспублікі Беларусь ажыццяўляе продаж фізічным асобам дзяржаўных бездакументарных аблігацый, намініраваных у замежнай валюце, з наступнымі параметрамі:

• нумар выпуску - 151;
• намінальная вартасць адной валютнай аблігацыі – 5 000 долараў ЗША;
• валюта намінальнай вартасці – долар ЗША;
• аб’ём выпуску – 50 000 000 (Пяцьдзясят мільёнаў) долараў ЗША;
• тэрмін абарачэння – 368 дзён;
• дата пагашэння валютных аблігацый – 24 чэрвеня 2016 г.;
• від даходу – пастаянны працэнтны даход;
• стаўка працэнтнага даходу – 7,00 % гадавых (фіксаваная).
• перыядычнасць выплаты даходу – 1 раз у 3 месяцы

Даты выплаты працэнтнага даходу:

• па першым працэнтным перыядзе – 24 верасня 2015 г.,
• па другім працэнтным перыядзе – 24 снежня 2015 г.,
• па трэцім працэнтным перыядзе – 24 сакавіка 2016 г.,
• па чацвёртым працэнтным перыядзе – 24 чэрвеня 2016 г.

Продаж дзяржаўных аблігацый, намініраваных у замежнай валюце, будзе ажыццяўляцца праз ААТ «Беларуская валютна-фондавая біржа» па цане, роўнай бягучай вартасці валютнай аблігацыі на дзень яе продажу. Купля дзяржаўных валютных аблігацый пры іх першасным размяшчэнні ажыццяўляецца толькі ў валюце наміналу (долары ЗША).

ААТ «ААБ Беларусбанк», як прафесійны ўдзельнік рынку каштоўных папер, аказвае фізічным асобам брокерскія паслугі па набыцці аблігацый Міністэрства фінансаў Рэспублікі Беларусь на наступных умовах:

• заключэнне дагавору на брокерскае абслугоўванне – 100 000 руб.;
• ажыццяўленне здзелкі на біржы – 0,01% ад сумы здзелкі, але не менш за 15 долараў ЗША.

Азнаёміцца з падрабязнай інфармацыяй па брокерскім і дэпазітарным абслугоўванні можна на сайце Банка.

Брокерскія паслугі па набыцці валютных аблігацый таксама аказвае Унітарнае прадпрыемства «АСБ БРОКЕР», якое ўваходзіць у склад холдынгу ААТ «ААБ Беларусбанк».

Даход па аблігацыях і грашовыя сродкі ад пагашэння аблігацый залічваюцца ў безнаяўным парадку на рахункі фізічных асоб, адкрытыя ў ААТ «ААБ Беларусбанк». Пры атрыманні кліентам выплат па аблігацыях (даход, намінальная вартасць пры пагашэнні) банкам будзе спаганяцца ўзнагароджанне за выдачу наяўных грашовых сродкаў з рахунку фізічнай асобы ў адпаведнасці з п.2.1.10.1 Зборніка ўзнагароджанняў за аперацыі, выконваемыя ААТ «ААБ Беларусбанк».

З больш падрабязнай інфармацыяй можна азнаёміцца, перайшоўшы па спасылках, прадстаўленых ніжэй.

Афіцыйнае апавяшчэнне Міністэрства фінансаў аб размяшчэнні аблігацый 151-га выпуску, намініраваных у замежнай валюце, для фізічных асоб

Загад аб сто пяцьдзясят першым выпуску дзяржаўных аблігацый, намініраваных у замежнай валюце

Рэкамендацыі фізічным асобам па ажыццяўленні аперацый з дзяржаўнымі аблігацыямі, намініраванымі ў замежнай валюце, у бездакументарнай форме

Жадаеце заўсёды быць у курсе апошніх навін? Падпішыцеся!