«Беларусбанк» прапануе кліентам новы прадукт па размяшчэнні сродкаў у тэрміновыя банкаўскія ўклады (дэпазіты) – «Аддалены дэпазіт» у замежнай валюце, які дазваляе дыстанцыйна (без наведвання банка) размяшчаць свабодныя грашовыя сродкі ў тэрміновыя дэпазіты на ўмовах заключэння дагавору па прынцыпе публічнай аферты.
Перавагай прадукту з’яўляецца мабільнасць, аператыўнасць афармлення дагаворных адносін, узаемавыгадныя ўмовы размяшчэння сродкаў, а таксама магчымасць папаўнення кліентам укладу (дэпазіту) не пазней чым за 30 дзён да вызначанага дагаворам дня наступлення тэрміну яго вяртання.
У рамках «Аддаленага дэпазіту» ў замежнай валюце рэалізаваны чатыры віды прадукту ў доларах ЗША, еўра і расійскіх рублях – на 90, 180, 365 і 730 дзён.
Абавязковымі ўмовамі размяшчэння сродкаў праз «Аддалены дэпазіт» з’яўляюцца:
- наяўнасць у «Беларусбанку» адкрытага ўкладнога (дэпазітнага) рахунку ў адпаведнай замежнай валюце, на якім у дзень заключэння дагавору адсутнічаюць грашовыя сродкі;
- забеспячэнне магчымасці доступу да ўкладнога (дэпазітнага) рахунку праз сістэму «Кліент-банк».
Больш падрабязную інфармацыю аб умовах «Аддаленага дэпазіту» ў замежнай валюце, а таксама «Аддаленага дэпазіту» ў беларускіх рублях можна атрымаць у любой установе банка або на карпаратыўным сайце «Беларусбанка» ў раздзеле «Карпаратыўным кліентам / Дэпазітныя аперацыі».