У рамках праграмы «Партнёр», арыентаванай на падтрымку вытворцаў тавараў (прадукцыі) айчыннай вытворчасці, ААТ «ААБ Беларусбанк» і ЗАТ «Атлант» рэалізаваны сумесны праект па прадастаўленні фізічным асобам крэдыту на спажывецкія патрэбы «Партнёр Аптымальны».
Крэдыт прадастаўляецца на тэрмін да аднаго года, без паручыцеляў і без дадатковых камісій.
Працэнтная стаўка па крэдыце ніжэй за рыначную – 37 % гадавых (стаўка рэфінансавання НБ РБ, павялічаная на 12 працэнтных пунктаў).
Максімальная сума крэдыту – да 25 млн. рублёў. Выдача ажыццяўляецца шляхам безнаяўнага пералічэння на падставе рахунка-фактуры.
Як патлумачылі ў ААТ «ААБ Беларусбанк», ствараючы больш прывабныя ўмовы па спажывецкім крэдытаванні, банк мае на мэце дапамагчы айчынным прадпрыемствам – партнёрам банка павялічыць аб’ёмы рэалізацыі сваёй прадукцыі, прадастаўляючы насельніцтву магчымасць для яе набыцця пры зніжэнні нагрузкі на сямейны бюджэт.
Прэс-служба ААТ «ААБ Беларусбанк»