Навіны банка і прэс-рэлізы
17.04.2015

«Беларусбанк» атрымаў узнагароду ад BACEE (прэс-рэліз)

Банкаўская Асацыяцыя Цэнтральнай і Усходняй Еўропы (BACEE) уручыла «Беларусбанку» ўзнагароду за развіццё міжнароднага банкаўскага супрацоўніцтва.

Цырымонія адбылася 13 красавіка 2015 года ў Будапешце падчас 30-й Юбілейнай Канферэнцыі BACEE.

Атрыманне гэтай узнагароды пацвярджае высокую рэпутацыю «Беларусбанка» ў міжнародных банкаўскіх колах.

BACEE заснавана ў 1996 годзе з мэтай развіцця дзелавых сувязей сваіх банкаў-членаў з фінансавымі інстытутамі Цэнтральнай і Усходняй Еўропы. У цяперашні момант 33 банкі з 18 краін з’яўляюцца членамі BACEE. «Беларусбанк» далучыўся да BACEE ў 2008 годзе.

Прэс-служба ААТ «ААБ Беларусбанк»