Міжнародны фінансавы часопіс EMEA Finance ужо пяты раз запар прысвойвае ААТ «ААБ Беларусбанк» званне «Лепшы банк у Рэспубліцы Беларусь» у намінацыі «Europe Banking Awards 2014».
У складанні рэйтынгу прымаюць удзел вядучыя сусветныя аналітыкі і кансультанты. Яны параўноўваюць фінансавыя інстытуты не толькі па дынаміцы асноўных фінансавых паказчыкаў, але і па тэмпах росту, збалансаванасці бізнесу і наяўнасці інавацыйных прадуктаў.
Узнагарода часопіса EMEA Finance лічыцца адной з найбольш прэстыжных у фінансавай галіне і сведчыць аб надзейнай рэпутацыі ААТ «ААБ Беларусбанк» на міжнародным узроўні.
Прэс-служба ААТ «ААБ Беларусбанк»