Навіны банка і прэс-рэлізы
24.03.2014

Беларусбанк пашырае геаграфію супрацоўніцтва (прэс-рэліз)

Беларусбанк і Навікамбанк падпісалі дагавор аб прыцягненні 10 млн. долараў ЗША для фінансавання здзелкі ААТ «Мінскі аўтамабільны завод - кіруючая кампанія холдынгу «БЕЛАЎТАМАЗ» на пастаўку рухавікоў унутранага згарання вытворчасці ААТ «Аўтадзізель» (Расія). У рамках гэтай здзелкі прадугледжваецца страхавое пакрыццё камерцыйных і палітычных рызык Беларусбанка з боку агенцтва па страхаванні экспартных крэдытаў.

Такім чынам, Беларусбанк стаў першым айчынным банкам, які прыцягнуў крэдытную лінію расійскага банка пад страхавое пакрыццё.

Прымяненне новых інструментаў і пашырэнне геаграфіі супрацоўніцтва з экспартнымі страхавымі агенцтвамі дазваляе Беларусбанку дыверсіфікаваць бізнес-напрамкі і забяспечваць найбольш выгадныя ўмовы фінансавання знешнегандлёвых кантрактаў сваіх кліентаў.

Прэс-служба ААТ «ААБ Беларусбанк»