ААТ «ААБ Беларусбанк» - у ліку заснавальнікаў ЗАТ «БЕЛКАРТ» (прэс-рэліз)

16 жніўня 2013 года адбылося падпісанне дагавору аб стварэнні ЗАТ «БЕЛКАРТ». Заснавальнікамі выступілі ААТ «Банкаўскі працэсінгавы цэнтр», ААТ «ААБ Беларусбанк», ААТ «Белаграпрамбанк» і ААТ «Белінвестбанк».

Стварэнне ЗАТ заклікана ажыццяўляць арганізацыйнае суправаджэнне  функцыянавання плацежнай сістэмы БЕЛКАРТ, яе метадалагічнае і інфармацыйнае забеспячэнне. Выдзяленне плацежнай сістэмы БЕЛКАРТ у  асобную юрыдычную асобу павысіць яе кіруемасць, дазволіць акцэнтавацца на пытаннях стратэгіі і аператыўна будаваць тактыку, каб усяляк садзейнічаць развіццю рынка айчынных плацежных картак. Засяроджванне кіравання ў руках вядучых удзельнікаў сістэмы, каардынацыя бізнес-палітыкі ігракоў фінансавага рынку дае падставы спадзявацца, што плацежная сістэма БЕЛКАРТ зойме стабільна лідзіруючыя пазіцыі ў Рэспубліцы Беларусь.

Даведачна: Рашэнне аб стварэнні новай юрыдычнай асобы ў форме закрытага акцыянернага таварыства было прынята наглядальным саветам Банкаўскага працэсінгавага цэнтра 06 чэрвеня 2013 года. З верасня 2007 года БПЦ валодае таварным знакам БЕЛКАРТ. У цяперашні час доля БЕЛКАРТ на рынку Рэспублікі Беларусь складае 46,54% па колькасці карт у абарачэнні. У склад удзельнікаў гэтай плацежнай сістэмы ўваходзіць 20 беларускіх банкаў.

ААТ «ААБ Беларусбанк» з'яўляецца ўдзельнікам сістэмы БЕЛКАРТ з 1996 года. У агульнай долі эмітаваных усімі банкамі Рэспублікі Беларусь картак БЕЛКАРТ, «Беларусбанк», з аб'ёмам эмісіі ў 3,3 млн. картак (64%), упэўнена займае 1 месца.

Сёння банкам прапануецца шырокі спектр картачных прадуктаў БЕЛКАРТ, у тым ліку для дзяцей, студэнтаў і карпаратыўных кліентаў. Асаблівы поспех маюць ашчадныя карткі, якія дазваляюць атрымліваць дадатковы даход у выглядзе павышанага працэнта на суму грашовых сродкаў на рахунку.

Прэс-служба ААТ «ААБ Беларусбанк»

Жадаеце заўсёды быць у курсе апошніх навін? Падпішыцеся!