Навіны банка і прэс-рэлізы
20.06.2013

У Беларусбанку прызначаны новы намеснік Старшыні Праўлення (прэс-рэліз)

image002

Намеснікам Старшыні Праўлення ААТ «ААБ Беларусбанк», членам праўлення прызначана Міхайлоўская Таццяна Леанідаўна. У банкаўскай сістэме яна 25 гадоў. Пачынала работу з пасады начальніка аддзела аднаго з падраздзяленняў Белпрамбудбанка.

У 2002 годзе ўзначаліла філіял № 802 ААТ «ААБ Беларусбанк», а ў 2006-м стала начальнікам філіяла № 300 - Гомельскага абласнога ўпраўлення. Гэта падраздзяленне - у ліку лідараў сярод структурных падраздзяленняў Беларусбанка. У крэдытным партфелі ўстановы такія буйныя суб'екты гаспадарання, як «Гомельшкло», «Гомсельмаш», БМЗ. Усе асноўныя праекты арыентаваны на прыцягненне інвестыцый і мадэрнізацыю вытворчасці.

За добрасумленную працу, высокі прафесіяналізм і асабісты ўклад, дасягнутыя вынікі работы банка неаднаразова ўзнагароджвалася падзякамі Старшыні Праўлення і Ганаровымі граматамі. Была ўдастоена права занясення на Рэспубліканску дошку Гонару.

Таццяна Леанідаўна ідзе па жыцці з «сіндромам выдатніцы» - залаты медаль у школе, чырвоны дыплом у Беларускім дзяржаўным інстытуце народнай гаспадаркі.

Замужам. Маці дваіх сыноў.

Яе крэда - адданасць, прафесіяналізм, прыстойнасць.

 

Прэс-служба ААТ «ААБ Беларусбанк»